STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 146 (Speaking stones 1)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

146. Steena waut räden 1


Waut deist du saumlen? Bilda ooda veschiednet Jelt? Timo haft siene Schatelbenkj voll Steena.

Manuela: "Schmok! Von woo hast du dee aula?"

Timo: "Disen hia hab ekj opp eenen Boaj jefunjen aus wie doa gonen deeden. Un dit es een Stekj von de Berliner Mua. Un disen hia haft mien Onkel vom Kjennichstol ut Ägypten metjebrocht."

Manuela: "Jiedra es aundasch, de Form, un uk de Foaw."

Timo: "Dee mieschte Steena halpen mie denkjen waut ekj beläft hab."

Weetst du, daut Abraham uk Steena oppjestalt haft? Nich en de Schatelbenkj, doato wieren dee väl to groot. Daut es onjefäa 4000 Joa trij, aus hee buten im Frieen Steena oppstalen deed fa een Aunjedenkj.

Manuela: "Un wuarom?"

Daut haft doamet aunjefonjen, daut dee läwendja Gott met am jerät haft.

Gott siene Stemm: "Abraham! Velot diene Heimat un diene Vewauntschaft un go in daut Launt, waut ekj die wiesen woa."

Abraham haud Gott nich jeseenen, oba gaunz kloa jehieet, waut hee doonen sull: Aules oppjäwen. Daut velanjt Gott ema von eenem Mensch, wan hee am waut bätret jäwen well.

Gott siene Stemm: "Ekj wies die een nieet Launt un moak ut die een grootet Volkj. Ekj well die säajnen un dienen Nomen huach moaken."

Uk wan Abraham nich wisst, wohan de Wajch jinj, deed hee met siene Fru de Heimat veloten. Wiels hee aun Gott jleewen deed, wia hee Jehursam.

Aus see sea lanj jwaundat wieren, kaum Abraham no daut Launt, waut vendoag Israel heet. Aus hee daut jeont haft, daut Gott ut am daut Volkj moaken wull, ut däm lota Jesus, ons Rada jekomen es?

In disem framden Launt hieed Abraham wada Gott siene vetrude Stemm.

Gott siene Stemm: "Dit Launt well ekj diene Nokomenschoft jäwen."

Nu wia Abraham sich gaunz secha. Dit es dee rechtkja Wajch. Hee wia aum Ziel. Daut ieschte bud hee eenen Aultoa. Hee stald eenen Steen opp, dee am aun Gott siene Veheetunjen denkjen halpen sull.

Wieda im Sieden deed hee noch eenen Steen toom aundenkjen oppstalen.

Woo wudd daut met eena Stenasaumlunj in diene Sto senen? Jiedasmol wan du waut met Gott beläfst, toom Biespel wan hee dien Jebäd erhieet ooda die beschitzt haft, stalst du jiedesmol eenen kjlienen Steen in de Schattelbenkj. Dise Steena woaren die aun Gott denkjen halpen un die Moot moaken met am wiedatogonen.

Woo daut met Abraham wiedajeit, daut vetal ekj die im näachsten Spell toom horchen.


Persoonen: Eena waut vetalen deit, Manuela, Timo, Gott siene Stemm

Copyright: CEF Germany

www.WoL-Children.net

Page last modified on August 08, 2023, at 08:04 AM | powered by PmWiki (pmwiki-2.3.3)