STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 151 (Donkey heads are expensive 1)

Previous Piece -- Next Piece

DRAMAS -- perform them for other children!
Plays for children to perform

151. Uj burroj uman manchay valorniyoj 1


¿Imaynachus Samaria llajta kasqanta yuyayniykipi qhawariyta atiwajchu? Chay llajta sumaj sayachisqa, jark’achisqa, ¿patanejpi jina tukuy rikunankupaj jinachu karqa? Israel iskayman t’asqa, iskay kamachisniyoj kashajtin (reyes), Samariaqa capital kasqa Reino uj nin kaj reynomanta.

Enemigosnin, siriostaj, chay llajtatapuni ajllakusqa jap’ikapunampajqa.

Jinapis mana armaswan maqanakuywanchu jap’ikapuyta munasqanku, manachay.

Chay llajtaj muyuyninman toldosninkuta sayaykuchispa, chaymanta wareqasqanku, chay llajta ukhupitaj mana allin willaykunalla uyarikusqa, manchay yarqhay p’unchaykuna paykunapaj kasqa. Mikhuna jallch’anankoqa ch’usaj kasqa, uj tullu burro umalla valesqa, 120 bolivianos-puni. Juch’uy wawakuna yarqhaymanta wañushajña, ñankunapi mayta waqaspa mikhunankupaj imallatapis mak’akusqanku.

Imataña mana ruway atisqankuchu chay llajtayojkunaqa, reypis profeta Eliseollata juchachasqa, chay Diosmanta sut’inchajta wañuchinampaj wakichikusqa, chanta mask’aj uj oficialwan khuska kachaykukusqa.

Eliseotaj karumantaña rishajta rikusqa.

Eliseo: "Rey, uyariy Diosta. Pay nin q’aya mikhuna kanqa pisi qolqellapaj, tukuytaj mikhunankupaj."

Chay oficialtaj burla ruwakusqa mana allin parlaykunawan.

Oficial: "¡Imaynamanta chay kanmanrí! ¿Yuyankichu Dios janaj pacha ventanasta kicharimuspa mikhunta jich’aykamunanta iamtaj?"

Eliseo: "Qan rikunki, jinapis Diosmanta burlakusqaykirayku mana mikhunkichu."

Chayqa sumaj willay Diosmanta kasqa, nipitaj creesqankuchu.

Chaypi ñak’ariyqa manchaypuni kasqa. Astawanraj kasqa tawan runakuna chay llajtaj jatuchej punkusnin chaynejpi tiyasqa kashajkunapajqa, tawa runakuna wijch’usqas jina q’ala thantas, yarqhaymanta wañushajña leprososrajtaj. Chay millay onqoyninkunejta llajtamanta wijch’usqas kasqanku, lepraqa tukuy ukhupi kaj kasqa, aychanku q’etayayta qallarispa laq’aqarakoj kasqa millaypuni á.

¿Wañunkumanchus karqa chay, chayratochu willaykuna t’ijunman karqa? Nimata ruway atispa ch’inllaña pampa qhawarisqa kashasqanku, jinallapi ujnin kaj chay ch’in kaymanta qhawatatarpasqa.

Leproso: "Kay onqoywanqa mayllapipis wañuyllataña suyanchej, kaypichus qhepakusun chayqa, wañusumpuni. Sichus llajtaman yaykusunman chaypis, wañullasuntajpuni. Enemigospa campamentonkuman risunman chay, ichachus enemigosqa kawsajta saqewasunmanraj, wañuchiwasun chayrí, chaypi wañusun arí."

Uj suyakuymanta chispaykukusqa.

Ch’isiyayta inti yaykuykushajtinña qayllasqanku enemigospa campamentonkumanqa, manchikuywan imata jina kharkatisqanku. Ñawpajpi kaj toldoman chayasqanku, chaypitaj: ¡Alliyllawan! ¡Mana chhapaj nispalla chimpashasqanku!

Chaypi imataj karqarí, chayta willasqayki qhepallampiña.


Personajes: Relator, Eliseo, leproso, oficial

© Copyright: CEF Germany

www.WoL-Children.net

Page last modified on April 28, 2021, at 08:03 AM | powered by PmWiki (pmwiki-2.2.140)