STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 140 (Dream job 1)

Previous Piece -- Next Piece

DRAMAS -- perform them for other children!
Plays for children to perform

140. Imata yachayta munay 1


Cuidado, ruphachikuwajtaj rupha té kashan. (ruido de taza, cuchara, etc.)

Hudsonqa ujchhikampiwan qalluya chayarpachinman karqa. Té tomana rato Taylorkunaqa tukuyninku wasipi ujchakoj kasqanku jaqay karu Inglaterra suyupi. May k’achata kawsakusqanku, unay watakunamantaña tatanku cuentallajpuni kasqa China suyumanta imayna kasqantaqa. Ujpachataj ujllata llakiy uyayoj karparisqa.

Papá: "Ni yachanichu. ¿Imaraykutaj mana astawan misioneros China suyuman rinkuchurí? May chhika chinokuna ni jayk’aj uyarinkuchu Jesúcristomantaqa."

Hudson: "Tatáy, noqa jatun kaspa, misionero kasaj, China suyumantaj risaj."

Chay tatamamakunaqa asirisqanku juch’uy phisqa watayoj wawankuta qhawarispaqa, sapa kuti onqosqallapuni kasqa chay wawaqa. Mana misionero mayk’ajpis kananta yuyanapaj jinachu, ní yachaywasimampis riyta atisqachu ajina onqosqalla kasqanraykoqa. Hudsonqa bibliotecapi juk’ucha jinapuni kasqa á, ñawirinaqa misk’i jina paypaj kasqa.

Hudson: "Tutasninchu puñunaypi kay p’anqakunta ñawiriyman chayqa, astawan yachayman. Jinapis mamayqa lámparata apakapullampuni, chaywampis velasta mask’akusaj..."

Chay ch’isitaj, manaraj allin tuta nishaspa, bulsillosninman junt’aykuchisqa vela puchustaqa. Chayraytaj kallasqataj paypajqa, uj chayakoj runa wasimpi kashasqa, chayrayku maypichus ninata k’ajachispa q’oñikushasqanku chaynejman tiyaykusqa paypis. Nina qayllapi kasqanrayku Hudsonqa bolsillompi vela puchus unuyarejta riparasqa, nimaynapi mana kayta atisqañachu, uj minuto uj hora jina paypaj kashasqa.

Mamá: "Hudson, mana kay atispa usqay riy camaman."

Hudson: "Ya, ¡allin tuta tukuypaj!"

Puñunampaj vela puchusta bolsillonmanta oqhonampaj masa jina q’ala mach’aykusqa kasqa, nipuni orqhoyta atisqachu. Hudsonqa may arrepentikusqa mamampa pakayninmanta puchu velasta bolsillokusqanmantaqa. Ujtawan mana chayta ruwasqañachu.

Chay bibliotecamanta juk’uchita nisqaqa waj imapiñataj tinkullajtaj kasqa á: ¡sullk’anta molestajmin kasqa! Payllawampuni mana t’aqanakuspa kaj kasqanku, khuritusta mask’aspa, p’isqetusqa qhawaspa ima.

Hudson 13 watayojña kashaspa jampikunata apaykachayta yachaykusqa farmacéutico ninku chaytaqa. Qhepaman imakunara rawanampaj sumajta wakirichikusqa, jinapis uj p’unchay nima ruwanayoj kashajtin, tukuy kawsayninta wajinaman tukurpachisqa. Uj p’anqata ñawirispalla cuenta qorpakusqa, Jesúcristoj wañusqanmanta, jinataj kawsarimusqanta payta munakusqanrayku.

Hudson: "Señor Jesús agradecekuyki munakuwasqaykimanta. Qampata kay munani, imatachus niwasqaykita ruwaspa, ajina kachun."

Chay orakusqanmantapachataj Hudsonqa sonqompi Jesústa uyarishanmampis jina kasqa: "Kunanqa riy Chinaman."

Misionero kayta munasqa qanchis watitallayojraj kashaspaqa, ñapis 17 watasniyojña wakichikuyta qallarisqa misionero kanampaj. Ichás chay jina kusiywan wakichikuyninta chimpachisonqa. Chaymanta qhepallampiña willarisqayki, ama qonqankichu á.


Personajes: Relator, papá, Hudson, mamá

© Copyright: CEF Germany

www.WoL-Children.net

Page last modified on April 27, 2021, at 02:52 PM | powered by PmWiki (pmwiki-2.2.140)