STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 043 (Good news 2)

Previous Piece -- Next Piece

DRAMAS -- perform them for other children!
Plays for children to perform

43. Sumaj willaykuna 2


Qhatuman rinaqa karu arí. Juch’uy imillita TiFamqa mamanwan khuska papa q’epirisqa sayk’uy sayk’uy rishan. Munashankutaj papamanta qolqesitota jap’ikuyta, chaywan mosoj vestidota TiFampaj maman rantipunampaj. Ukhumpi vestidonqa thantitaña, manataj waj kapunchu. Imaraykuchus paykua sinch’i wajcha kaypi kawsanku. Chantapis tatanqa chay espiritus malosman tukuy imankuchus kajta qaran mana manchikunankupaj, nipunitaj sonqo tiyakuy kanchu paykunapajqa.

Jinallapi kaymanta jina TiFamqa yuyarin imatachus Mary-j nisqampi. Kawsaqen manaña ima jark’akunatapis apaykachasqachu, imaraykuchus cristianaña. Qhatuman chayanankupaj, ¡manchay junt’a arí!

Vendedor 1: "¡Verdura, verduras! ¡kay jina k’achitus mikhurina jina kashan!"

Vendedor 2: "¡Apakuychej yuraj sarata, kulli ratitata! ¡jank’a saritapis kallantaj mayqentataj munanki!"

Vendedor 1: "¡Chimpamuychej caceritos, kaypi barato tukuy imapis kashan, barato, barato!"

TiFampa mamanqa, papa vendenanta uj vendejpa chimpanman tiyarpachin. Chay ranqhajta ima jina qhawashan papa tiyachisqantaqa.

Vendedor 1: "Uju, nisharqanipuni. Khuru morq’o papa kasqanta."

Sonqo p’akisqa, TiFampa mamanqa ujchhikan papamanta qolqe jap’ikusqanwan rantirakun. Jinapis juch’uy imillita TiFampajqa uj mana yuyasqan karparin. Uj k’acha runa chimpaspa tukuynin papata rantirpakun. Payqa mana yacharqachu kawsaqen Maryqa, chay runa Diosmanta parlasqannejta cristiana kasqanta.

Chay vendesqan qolqewan mamanqa k’acha vestidota rantipusqa TiFampajqa. Manchayta kusikun chaywanqa, aswan tardetataj Víctorwan tinkunku.

TiFam: "Mamay qhawariy, jaqay runa tukuynin papayta rantikuwarqa. ¿Ima librotataj apaykachashanri?"

Juch’uy imillita TiFam mamanwan sayaykuspa uyarinku Victor runakunaman nisqanta.

Víctor: "Uj sumaj willay qankunapaj tiyan, Diostata munakusunkichej sonqo tiyakuytataj qoyta munasunkichej, manaña manchisqallapuni kawsanaykichejpaj."

Señora Orestil: "Waway, cheqasina chay parlasqanqa."

Qosanqa, yachaj brujo, warmin Victorpa parlasqanta uyarisqanta yacharqoytawan, manchay phiñasqa jatunmanta qhapariykun.

Orestil: "Víctorchu chay llulliriosninta uyarinaykita nisunki. Ama creeychu, espíritusqa venqakuwasun."

Orestil, chay uyarisqaymantapacha sonqo tiyasqa kani. Victorpa Diosninqa aswan atiyniyoj chay espíritusmanta nisqaqa.

Chayratopacha Orestilqa, wawan TiFampa mosoj vestidonta jap’ispa, uj muñekuta ruwarpaytaqan askha agujasta chayman sat’iran.

Orestil: "Kayqa chay Víctor, wañunan tiyan nispa layqayta yuyaspa. Agujas niyta munan wañuyninta."

TiFamqa chayta rikuspa manchharikun. Ni jayk’aj rikusqachu tatan jinata ruwajtaqa. ¿Pitaj aswan atiyniyoj karqarí? Chay hechiceroj ruwasqanchu chayri Jesúschu.

Qhepampi chaymanta willasqayki.


Personajes: Relator, señora Orestil, TiFam, dos vendedores, Víctor, Orestil

© Copyright: CEF Germany

www.WoL-Children.net

Page last modified on April 15, 2021, at 10:32 AM | powered by PmWiki (pmwiki-2.2.140)