34. خوشخبری ۲

منڈی تک جاون دا راہ بڑا اوکھا سی۔ طیفام تے اوہدی ماں نے آپنے سراں اُتے شکر قندیاں نال بھریاں بھاریاں ٹوکریاں چُکیاں ہویاں سن۔ اوہناں نوں اُمید سی پئی ایہناں ٹوکریاں دے بدلے اوہناں نوں بڑے پیسے ملن گے، تے فیر اورسٹل دی بیوی آپنی دھی لئی نوے کپڑے لے سکے گی۔ اوہدے کول اکو جوڑا سی تے اوہ وی پرانا سی تے اوہدے وچ موریاں ہویاں دیاں سن۔ طیفام دے ماں پیو غریب سن۔ اوہدا پیو سدا توں بدروحواں نوں ساریاں نالوں چنگی قربانی چڑھاوندا سی، پر اوہدے بدلے کدی اوہدے دِل نوں سکون نئیں سی ملیا۔ اچانک طیفام نوں مریم دا خیال آیا۔ اوہدی سہیلی نے ہن تعویز پاونا چھڈ دِتا سی کیوں جو اوہ ہن مسیحی سی۔

آخر کار اوہ منڈی پہنچ گئے۔ اوتھے ویکھن نوں بہت کجھ سی۔

ویچن والا: ”تازہ سبزیاں! ودھیا پھلیاں!“

ویچن والا : ”نوی فصل دے بیہ۔“

ویچن والا: ”سستیاں شیواں۔ ایتھے ہر شے سستی اے!“

اورسٹل دی بیوی نے آپنی ٹوکری اک بندے اگے رکھی۔ اوہنے چنگی طرح اوہناں دی فصل ویکھی۔

دوکاندار: ”میَں بہت سوچیا اے۔ کیڑے! شکرقندیاں کیڑیاں نال بھریاں نے!“

ٹُٹے دِل تے تھوڑے جیہے پیسیاں نال، اورسٹل دی بیوی نے آپنا سامان خریدیا۔ پر طیفام نے اک کرامات ویکھی۔ اک چنگے بندے نے او دی ٹوکری وچوں ساریاں شکر قندیاں خرید لیاں۔ اوہنوں پتہ نئیں سی پئی اوہدی سہیلی ایسے بندے دی وجہ توں مسیحی بنی سی۔ جیہڑے پیسے طیفام نوں ملے سن، اوہنے اوہناںنال آپنے لئی سوہنے کپڑے لے لئے۔ اوہ بہت خوش سی۔

بعد وچ او فیر وکٹر نوں ملی۔

طیفام: ”ویکھو، ایہہ اوہ بندہ اے جہنے میرے کولوں شکرقندیاں خرید یاں سن۔ اوہدے ہتھ وچ ایہہ کنج دی کتاب اے؟“

طیفام تے اوہدی ماں چپ کھلوتیاں رہیاں تے سُندیاں رہیاں پئی اوہ لوکاں نوں کیہ آکھدا پیا اے۔

وکٹر: ”میرے کول تہاڈے لئی خوشخبری اے۔ خدا تہانوں پیار کردا اے تے تہاڈے دل نوں سکون دیندا چاہندا اے تاں جو تہانوں فیر کدی ڈر نہ لگے۔“

اورسٹل دی بیوی: ”طیفام، مینوں یقین اے پئی ایہہ سچ بولدا پیا اے۔“

جدوں اورسٹل، چڑیلاں دے ڈاکٹر نے، ایہہ سُنیا پئی اوہدی بیوی نے وکٹر دیاں گلاں سُنیاں نے، تے اوہ غصّے وچ زور نال چِکیا۔

اورسٹل: ”وکٹر نے تہانوں بھڑکایا اے۔ اوہدا یقین نہ کرو۔ روحواں سانوں ایہدی سزا دین گیاں۔“

اورسٹل دی بیوی: ”اورسٹل، میرے دل وچ ہن سکون اے۔ وکٹر دا خدا بدروحواں نالوں وی بہتا زور آور اے۔“

اورسٹل نے چھیتی نال طیفام دے نوے کپڑے لئے، اوہناں نال لیراں والی اک گُڈی بنا دِتی۔ تے اوہدے وچ بہت ساریاں سویاں چوبھ چھڈیاں۔

اورسٹل: ”ایہہ وکٹر اے۔ اوہدا مرنا ضرور اے۔ تے ایہہ سوئیاں ایہہ کم کرن گیاں۔“

طیفام حیران سی۔ اوہدے پیو نے پہلاں کدی ایس طرحاں نئیں سی کیتا۔

کون زور آور اے؟ چڑیلاں دے ڈاکٹر دی بددُعا یا فیر یسوع؟

اگلی کہانی سُنو تے جانو۔

لوک: بیان کرن والی، اورسٹل دی بیوی، طیفام، ویچن والا، دکاندار، وکٹر، اورسٹل

حقوق: بحق سی ای ایف جرمنی محفوظ نے۔