STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 044 (The witch doctor rants 3)

Previous Piece -- Next Piece

DRAMAS -- perform them for other children!
Plays for children to perform

44. layqa phiñasqa kashan 3


TiFam: "Mamáy, mamay paramushanña."

Mamá: "Walej á waway, paramuspa kay jina jallp’a oqharikojta tiyaykuchinqa."

TiFam: "Mamay, mana rikunchejchu Víctortaqa, ¿wañunchu?"

Mamá: "Imata nishan kay wawari, imaynata wañunmanrí."

TiFam: "Tatay nerqatajqa, espíritus malignos wañuchinankuta imaraykuchus anchata Jesusmanta parlan, nospaqa."

Mamá: "Chanta chayta creenkuichu imataj wawa, noqa creeni Paypa Diosninqa aswan atiyniyoj kasqanta, ay atataw chakiy..."

TiFampa mamanqa ujta sullq’aspa chakinta nanarpachikun. ¿Imayanta kunan wasinman chayanqarí? Jinallapi para manchayta jich’akamun maypi mana pakakuyta atispataj, misionerokunaj wasinkuta takanku. Chaymanta pitaj kicharimun punkutaa? Víctor, sano kawshaj, TiFampa yuyasqan jinachu kasqa.

Victor: "Uumm, yaykumuychej, kay nejsitupi tiyarikuychej para pasaranankama, p’achaykichejpi ch’akiranankama. Chaypi nanasqa chakinta jampiykunankukama, TiFamwamqa, imaynamanta mana arlariyta atishanchu, atipashanña parlariyta munasqanqa."

TiFam: "Qan wañupunki hermano Víctor, tatay wañunaykipaj layqasunki. Chaymanta kunan manchisqa kashani, mana kaypi qhepakuykumanchu."

Víctor: "Ama manchikuychu, chay layqasqaqa mana imanawanqachu, imaraykuchu Jesúsqa Señorniy jark’akuwajniyta."

Mamá: "Hermano Víctor, noqa qhatupi Diosmanta parlashajtiyki uyariyqayki. Chayrayku noqa creeni tukuy chay nisqasniykipi, chaymantapachataj sonqo tiyaykusqa kani."

Chay jinata parlarisqankoqa may allimpuni TiFampa mamampajqa, chay juch’uy imillitataj manachay manchhasqa kashan tatampi yuyaspa. Paychus yachanqaqa... may sayk’usqas wasinkuman chayanku. Loco parataj astawan astawan sinch’chan. Wayrawan wayrawan paraqa paraqa anchatataj paran. Mayupi yakupis askhaña, callesqa mana purina kashan, uj maskha p’unchaykunamantapuni wasinkumanta llonsinku ñak’ayta. (Golpes en la puerta)

TiFam: "Pitaj…" (Abrir la puerta)

Orestil: "Qan, Víctor imata kaypi ruwashankirí, imamanta jamunki wasiyman."

Víctor: "Ama phiñakuychu, jaqay pata orqomanta suchu jamushan. Chay jinatapuni parasqanrayku suchu jatarishan jatuchej rumiswan, chayrayku wasimanta llojsinaykichej tiyan ama suchuwan p’ampasqa kanaykichejpaj."

Orestil: "Manakaj, mana maymampis risqaykuchu, noqaykuta almas waqaychawasqayku."

Víctor: "Chaykuna mana yanapayta atisunkuchu. Diostatalla waqaychayta atisunki, Paypi creejtiyki."

Orestil: "Mana imatapis uyariyta munaykichu, chinkay kaymanta manaraj ima kashajtin, llojsiy wasiymanta kunitampacha."

Manaraj ripushaspataj Víctorqa, kayllachaykun TiFamta mamantapis.

Víctor: "Señora Orestil, ama manchikuychu, Tata Dios qanwan kashan."

Víctor llojsijtinkamataj, Orestilqa machenta oqharikuspa may phiñarisqa wasinmanta llojsin.

TiFam: "Tatay, tatay, ama jinachu... ama..."

Qhepanta suyariypuni.


Personajes: Relator, mamá, TiFam, Víctor, Orestil

© Copyright: CEF Germany

www.WoL-Children.net

Page last modified on April 15, 2021, at 10:38 AM | powered by PmWiki (pmwiki-2.2.140)