STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 044 (The witch doctor rants 3)

Previous Piece -- Next Piece

DRAMAS -- perform them for other children!
Plays for children to perform

44. Laykasiñanacajja janiw 3


TiFam: “Mamita, niyäw jallujj purjjatjje.”

Mamá: “¡Ucajj sumaw, TiFam, janiw polvöjjaniti.”

TiFam: “Janis Victorojj uñjjtantejjä, ¿jiwatäjjpachacha?”

Mamá: “Janjaw.”

TiFam: “Ucampis papitojj sänwa ñanqha ajayunacajj jiwjayaniwa Jesusat parlapinitapata.”

Mamá: “Jupan Diosapajja juc’am ch’amanipachawa. Ay, cayujjawa…”

TiFam mamapajja llustt’taynawa ucatsti cay usuchasitayna. ¿Cunjams jichajj utar purini? Wali jallunjja misioneron utanacaparuwa juripjjatayna ucat punc lekt’apjje. ¿Qhitis punc jist’arijja? ¡Víctor! Jacascataynawa.

Víctor: “Jutäpjjam, mantanïpjjam, ninar jac’achasinipjjam isinacam mä juc’a wañt’ayañataqui.”

Ucacamasti, mamapän cayupajj kollt’atäcasinjja, TiFam parlascaquïnwa jan inact’asa.

TiFam: “Jumajj jiwataw, Víctor. Tatajjajja jiwañ layk laykhtämjja. Ajjsartwa. Janiw uqhamaquïcsnati.”

Víctor: “Jan ajjsaramti. Laykasiñanacajja janiw camachquitaspati, cunalaycutejj Jesusaw Tatitojjajja jupasti nayar imituwa.”

Mamá: “Victor, nayajj istt’wa cuntejj khathun jiscta ucjja. Uca arunacar iyawstwa ucat acsarusti chuymajjan samarañaw utjjetu.”

Uca parlasiwïjj asquïn mamapataquejja, ucampisa TiFam jupajj tatapat amtasisïnjja ajjsaränwa. Yatispastï… Karjjataw utar puripjjäna. Ucampis juc’amp purintascaquïnwa. Wal thayäna uqhamarac puriscaquïnwa jan t’acusa. Jawirajj phokhapinïnwa, callenacajja kotantata mä kawkha urunacajja janiw qhitis utapat mist’cänti. (puncuw lekesini)

TiFam: “¿Qhitisa?” (Puncuw jist’arasi)

Orestil: “Víctor, ¿cunats acar jut-ta?”

Víctor: “Mä jithiw jutani. Aca jallumpejj kalanacaw kollunacat jalaktatayna. Janc’aqui utat mistupjjam jan jithimp tapantatañataqui.”

Orestil: “Sonseraw ucajja, acancascaquiñaniw. Ajayunacaw imistani.”

Víctor: “Ucanacajja janiw yanapapquiristamti. Jacquir Diosaquiw yanapiristamjja, jupar creyisma ucja.”

Orestil: “Janiw ist’añ muncsmati. ¡Saram acata! ¡Mistum anchhitpacha!”

Janïr mist’casinjja Victojj Orestil señoraru ch’amanchawayiwa.

Víctor: “Señora Orestil, jan ajjsaramti. Diosaw jumampïsqui.”

Niyaw Victojj ankankhatayna, Orestilajj jach’a machetep ayjjarusitayna ucatsti wali culiratapiniw utat mistuwayi.

TiFam: “Jan saramt papito… jan cuns luramti…”

Mayanj seguiscaquiniwa.


Uñstirinaca: Parliri, mamá, TiFam, Víctor, Orestil

© Copyright: CEF Germany

www.WoL-Children.net

Page last modified on February 27, 2019, at 07:43 AM | powered by PmWiki (pmwiki-2.2.109)