STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 154 (Jesus the victor 2)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

154. Jesus es Jewenna 2


Soton es sea schlau un bees. Met am es nich to spossen. De Diewel es kjeene lostkji utjedochte Figua. In de Bibel steit, hee schlijt rom aus een brellenda Leiw un siejt sien Fräten.

Kjint: "Ekj haud niemols jedocht, daut det am werkjlich jeft."

Hee es de Fient von Gott, un deit aules, om Menschen vom Gloowen aun Gott wajchtobrinjen. Kaust die daut noch denkjen woo onveschämt hee haundeld in de N.1?

Kjint: "Hee plaunt Twiewel un Messtruen jäajen Gott."

Pauss opp wan hee daut bie die doonen well. Go bloos nich in siene Faul. Bedd däm Harn Jesus daut hee die beschizt. Wiels hee es de Jewena äwa däm Diewel.

Gott sien Sän wia fa am eene beleewde Oppgow. De Diewel wull onbedinjt vehindren, daut Jesus aum Kjriez fa ons stoawen deed. Hee wull daut nich toloten, daut wie eewjet Läwen met Gott kjrieen sullen. Un doawäajens deed hee Jesus aunjriepen.

Diewel: "Wan du Gott sien Sän best, dan moak doch ut dise Steena Broot. Wan du Gott sien Sän best, dan sprinj doch rauf vom hechsten Torm. Gott woat die beschizen."

Jesus es Jewena! Hee haft daut nich needich, däm Diewel to bewiesen, daut hee Gott sien Sän es. Un dan vesocht hee daut met dee tweede onveschämde Utsoag N.2: Hee muak een grootet Vespräakjen.

Diewel: "Ekj schenkj die dee gaunze Welt, wan du mie aunbäden deist."

Jesus: "Veschwinj, Soton! In dee heilje Schreft steit: Däm Harn, dienen Gott saust du aunbäden un sonst kjeenem."

Jesus es Jwena! Hee säd mo eenen Sauz, un dan es de Diewel utjekläft. Jesus es Jewena! Doawäajens hausst am de Diewel.

Aus Jesus aum Kjriez honk, deed de Fient toom lazten Schlak utholen.

Diewel: "Wan du Gott sien Sän best, dan kom doch rauf vom Kjriez."

Wan Jesus daut jedonen haud, wudd wie veloaren senen. Dan wudd daut kjeene Vejäwung fa onse Sinden jäwen. Dan wudd daut kjeen eewjet Läwen met Gott jäwen.

Oba Jesus hild derch. Hee es Jewena! Aum Kjriez haft hee äwa de Sinden, dän Doot un dän Diewel jewonen. Sien oppstonen es de Bewies doafäa.

Wan du aun Jesus jleefst, dan best du opp de Sied vom Jewena.

Fercht die nich: Jesus Christus es Jewena!

Vejat sienen Nomen niemols! Bäd to am, hee beschizt die.


Persoonen: Eena waut vetalen deit, Kjint, Diewel, Jesus

Copyright: CEF Germany

www.WoL-Children.net

Page last modified on May 27, 2020, at 11:03 AM | powered by PmWiki (pmwiki-2.2.140)