STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 155 (Hands off 3)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

155. Finjasch wajch 3


Weetst du waut eene Woasajafru es?

Kjint: "Ekj jleew, dee es met däm Diewel veenijcht, un doawäajens weet see, waut in de Tokunft passieren woat."

Un wan uk nich aules soo es, deit see oba väl Jelt doaväa fodren.

Woasajasch jeft daut nich iescht von Jistren.

Aus Paulus met sienem Frint no Filipie kaum, doavon deit de Bibel berechten, rand iend eene Fru hinjaraun, in däa de Woasajajeist wond.

See deed lud opp de Gaus romschrieen.

Woasajafru: "Dise Menschen sent Deena Gottes. See sajen junt, woo jie kjennen jerat woaren."

Kjint: "Dee haft doch de Woarheit jesajcht."

Daut es soo. Oba Paulus oajat sich doawäajens doaräwa. Däa äare Woasajerie kunn hee nich vedroagen.

Paulus: "Ekj jebeed die im Nomen von Jesus Christus: Velot de Fru!"

De Woasajajeist deed de Fru fuaz veloten. Jesus es Jewena! De Diewel zetad fa am. Uk wan wie am nich seenen, es hee doch sea doamet beschafticht, de Menschen vom Gloowen aun Gott auftohoolen. Doajäajen deit hee dän Jeistagloowen aunbeeden.

Daut es werkjlich soo, wäa sien Hoat fa Jesus toschluten deit, dee moakt dee opp fa däm Jeistagloowen.

Daut kaun maun doaraun seenen, daut väle waut rom däm Hauls henjen haben waut iend Jlekj brinjen saul. Maun kaun daut uk seenen daut see im Auto soone Dinja henjen haben.

Pendlen un Desch rekjen, deit de Diewel aus scheenet Spell aunbeeden.

Kjint: "Un wan maun sowaut bloos toom Sposs metmoaken deit?"

Mario haud uk soo jedocht, aus in de School derch Jläsa een Jeist utjefroacht wort. Von don haft hee schrakjliche Angst un schlajchte Dreem.

Kjannst du daut Tintefaut – Experiment?

Stäakj doch mol eenen Finja ut Sposs in een Tintefaut nen, un eenen im Iernst.

Kjint: "Hui, beid sent bleiw!"

Aulso de Finjasch wajch von daut waut dee beese Fient aunbeeden deit. Krajt endoont, aus im Sposs ooda im Iernst, doa blift waut henjen. Un dan fält de Freid aum Bibel läsen un aum bäden.

Kjint: "Deist du Horoskoope läsen?"

Nä.

Kjint: "Miene Mama uk nich. See haft jesajcht: Gott haft daut veboden. Hee well, daut wie ons bloos opp am veloten."

Un wan du Jesus hast, brukst du uk nuscht aundret. Hee es Jewena un holt die rut ut däm Fient siene Faul.

Hee leeft die un doawäajens woat hee die beschizen!


Persoonen: Eena waut vetalen deit, Kjint, Paulus, Woasajafru

Copyright: CEF Germany

www.WoL-Children.net

Page last modified on May 27, 2020, at 11:03 AM | powered by PmWiki (pmwiki-2.2.140)