STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 153 (Does the devil exist 1)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

153. Jeft daut däm Diewel 1


Kjint: "Ekj hab mol eene Froag: Jeft daut werkjlich eenen Diewel? Von wua kjemt dee?"

Dän Diewel jeft daut werkjlich. Siene Jeschicht fanjt im Himmel aun.

Kjint: "Im Himmel?"

Luzifer wia dee schmoksta Enjel un druach een wundaschmoket Kjleet.

Hee wia doato bestemt, dän aulmachtkjen Gott auntobäden. Oba dan oppeenmol leet hee stolte Jedanken in sienem Hoat äwahaunt nämen.

Luzifer: "Ekj wel dee Jratsta senen. Soo aus Gott! Ekj wel äwa aules harschen. Ekj well daut machtiste senen, soo aus Gott."

Wiels hee de Hechsta wull senen, wort hee doawäajens gaunz deep raufjeschmäten. Dee läwendja Gott haft am ut däm Himmel vestat.

Un von don heet hee Diewel ooda Soton un es de Fient von Gott. Met aule Meddel vesiekjt hee, Gott sienen Plon met ons Menschen derchenaunda to brinjen.

Gott well ons Läwen – de Diewel well dän Doot.

Gott well de Woarheit – de Diewel es een Liejna.

Gott well Jemeenschoft met de Menschen – de Diewel well daut vestieren.

Kjint: "Bie Adam un Eva haft am daut jejlekjt. Dee leeten sich veleiden."

Ekj verod die woo onveschämt hee sich oppstalt: Om de Menschen von Gott wajchtobrinjen, deit hee in däns äa Hoat Twiewel nenplaunten un daut de Menschen Gott jäajenäwa Messtruisch woaren.

Diewel: "Haft Gott werkjlich jesajcht, daut du von disem Boom nich äten doafst? Haft hee junt daut baste vebodden?"

Adam un Eva loten sich aunschmäaren. Un doaderch kaum de Doot in dise Welt, un aule Menschen sent von don von Gott jetrant.

Oba Gott siene Leew es jrata, doawäajens haft hee eenen vesproaken, dee äwa dän Diewel jewenen woat un aules wada in Ordnung brinjen woat.

Kjint: "Doamet es bestemt Jesus jemeent."

Daut stemt, Jesus es Jewena! Fa disem Nomen zetat de Diewel.

Hee wisst, in waut fa eenem Volkj hee sull jebuaren woaren, doawäajens haud hee derch Farao un aundre vesocht, daut Volkj von de Juden auftoschaufen.

Oba Gott leet daut nich to daut de Diewel sienen Plon tweimuak. In eene Nacht kaum Jesus in Betlehem to Welt.

Jesus es Jewena! Hee es jekomen, om dee beese Woakjen vom Diewel tweitomoaken.

Doawäajens haft de Diewel am jehausst in haft am aunjejräpen.

Doavon vetal ekj die im näachsten Spell toom horchen.


Persoonen: Eena waut vetalen deit, Kjint, Luzifer (Diewel)

Copyright: CEF Germany

www.WoL-Children.net

Page last modified on August 08, 2023, at 08:06 AM | powered by PmWiki (pmwiki-2.3.3)