STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 153 (Does the devil exist 1)

Previous Piece -- Next Piece

DRAMAS -- perform them for other children!
Plays for children to perform

153. Sajra supay kanpuni 1


Niño: "Uj tapukuyniy tiyan, kunanitaj kutichinawaykita: ¿kampunichu diabloqa? ¿Kampuni chayrí, maymantataj jamun?"

Ujú, kampuni sajra supayqa, mana niyllachu cheqapuni. Kawsasqanqa janaj pachapi qallarisqa.

Niño: "¿Janaj pachapi?"

Lucifer sutiyojqa manchay k’achito ángel kasqa, p’achalliynimpis llikhurishaj. Paypa ruwananqa kashan Tukuy Atiyniyoj Diosta yupaychanan... Jinapis sonqonman junt’aykusqa orgullo, mana kasukoj kay.

Lucifer: "May jatumpaj qhawasqa kayta munani, Dios jinapuni kayta munani, tukuyta munasqayman jina kamachiyta munani, Dios jina manchay atiyniyoj kayta munani."

Manchay atiyniyoj, jatumpaj qhawasqa kayta munasqanraykutaj, ukhupachaman wijch’usqa kasqa. Diostata wijch’umusqa janaj pachamantaqa, chaymantapachataj sajra supaj sutikusqa, Dioswan jap’inakoj (enemigo). Tukuy imaymananmanta Diospa k’acha noqanchejpaj wakichisqasninta phiriyta munan.

Tata Diosqa noqanchej wiñaypaj kawsananchejta munan, sajra supaytaj wañuyman chinkaykunanchejta.

Tata Diosqa cheqa kajtapuni munan, sajra supaytajrí llulla.

Tata Diosqa runakunawan k’achata kawsakuyta munan, sajra supaytajrí destruiyta munan.

Niño: "Chaytataj ruwarqa Adánwan Evawasqa. Paykuna ch’awkiychikusqanku."

Imakunatachus ruwan chaykunata sut’inchasqayki: Diosmanta runakunata t’aqanampaj, iskayrayayta tarpun, chanta Diospi mana atienikuyta sonqosman churan.

Diablo: "¿Jinaqa Dios nisunkichejchu kay sach’aj poqoyninta mana mikhunaykichejta? ¿Imachus allin kajtachu prohibirpasunkichej?"

Adánwan Evawanqa trampampi urmasqanku, chaynejtataj kay pachaman wañuy chamusqa, tukuy runakunataj Diosmanta t’aqasqa kanchej. Jinapis Diospa munakuynenqa aswan jatun, chayrayku Dios nisqa uj sajra supayta atipajta kachamunanta, chanta watejmanta runakunata Dioswan allinyachinampaj.

Niño: "Chaytaj Jesús karqa í."

Arí, ¡Jesús sajra supayta atipajqa! "Jesús" sutinqa sajra supayta kharkatichin. Sajra supayqa yacharqa mayqen llajtapichus Jesús paqarinantaqa, chayraykutaj judiokunata chinkachiytapuni munasqa faraónnejta, wakin kamachejkunanejta ima.

Tata Diostajrí mana saqesqachu imachus wakichisqa chinkachisqa kanantaqa, uj tuta, 2000 wata kuraj wawakuna ñawpajta, Jesús paqarerqa Belén llajtapi.

Jesúsmin chay atipajqa. Pay jamorqa tukuy sajra supaypa wakichisqasninta t’unanampaj; chayraykutaj sajra supayqa chejnikun jap’inakuntaj (ataca). Chaymantaqa qhepallampiña willasqayki.


Personajes: Relator, niño, Lucifer (diablo)

© Copyright: CEF Germany

www.WoL-Children.net

Page last modified on April 28, 2021, at 03:20 PM | powered by PmWiki (pmwiki-2.2.140)