351. کی شیطان موجُود اے ۱

بچہ: ”میرے کول اک سوال اے: کیہ ابلیس سچ وچ وجود رکھدا اے؟ اوہ کتھوں آیا؟“

ابلیس سچ وچ وجود رکھدا اے۔ اوہدی کہانی اسمان تھوں شروع ہوندی اے۔

بچہ: ”اسمان تھوں؟“

جنے وی فرشتے سن اوہناں ساریاں وچوں سوہنا فرشتہ لوسیفر سی۔

اوہنوں خدا دی بندگی کرن لئی خلق کیتا گیا سی۔ پر بعد وچ غرور نال بھرے خیالاں نے اوہدے دل اُتے قبضہ کر لیا۔

لوسیفر: ”میَں ساریاں نالوں وڈا بننا چاہندا اَں۔ خدا وانگ! میَں ساریاں اُتے راج کرنا چاہندا اَں۔ میَں خدا بننا چاہندا اَں۔“

کیوں جو اوہ ساریاں تھوں عظیم دی بندگی کرن دی تھاں آپ ساریاں نالوں عظیم بننا چاہندا سی، ایس لئی خدا نے اوہنوں اسمان اُتوں سُٹ دِتا۔

اوسے ویلے تھوں اوہنوں ابلیس یا شیطا ن آکھیا جاندا اے تے اوہ خدا دا دشمن اے۔ اوہ ہر طرح دی چال چلدا اے جہدے تھوں اوہ خدا دے لوکاں لئی اوہدے منصوبیا ں نُوں خراب کر سکے۔

خدا چاہندا اے اسی جیوندے رہئے۔ شیطان ساڈی موت چاہندا اے۔

خدا نوں سچیائی نال محبت اے۔ شیطان جھوٹھا اے۔

خدا لوکاں نال تعلق رکھنا چاہندا اے۔ شیطان سانوں برباد کرنا چاہندا اے۔

بچہ: ”اوہ آدم تے حوّا نوں برباد کرن وچ کامیاب ہو گیا سی۔ اوہناں نے اپنےآپ نوں آزمایش وچ پیا لیا سی۔“

میں تہانوں اوہدے برے منصوبیاں د ے بارے وچ دسدی اَں: لوکاں نوں خدا تھوں دور کرن لئی، اوہ اوہناں دے دِلاں وچ خدا دے خلاف شک تے بے یقینی دا بیہ بوندا سی۔

شیطان: ”کیہ سچ وچ خدا نے آکھیا اے پئی تُسی لوک ایس رُکھ دا پھل ناں کھانا؟ کیہ اوہ تہانوں بہتیاں چنگیا شیواں لین تھوں ڈکدا اے؟“

آدم تے حوّا دونہویں جال وچ پھس گئے۔ تے اوہناں دی وجہ تھوں دُنیا وچ موت نے جنم لیا۔ اوس ویلے تھوں ہر بندہ خدا تھوں وکھ ہو گیا۔

پر خدا دا پیار بہت وڈا اے، ایس لئی اوہنے وعدہ کیتا پئی اوہ ابلیس نوں ہرائے گا تے فیر سارا کجھ چنگا کردے گا۔

بچہ: ”اوہ ضرور یسوع دی گل کردا پیا اے، مینوں یقین اے۔“

تُسی بالکل ٹھیک ہو۔ یسوع ای فتح مند اے! شیطان اوہدے ناں تھوں وی کمبدا اے۔

اوہ جاندا سی پئی جدوں یسوع جمے گا تے اوہ کس وطن وچ جمے گا، ایس لئی اوہنے فرعون تے دوجیاں نوں استعمال کیتا پئی کوشش کرن پئی یہودیاں نوں ختم کر دین۔

پر خدا نے آپنے منصوبے نوں ناکام نہ ہون دِتا۔ اک رات بیت لحم وچ یسوع جمیا۔

یسوع ای فتح مند اے! اوہ شیطان دے کماں نوں برباد کرن آیا سی۔ ایسے کر کے شیطان اوہدے تھوں نفرت کردا اے تے ہن اوہنوں پسند نہیں کردا۔

اگلی کہانی سُنیو تے میَں تہانوں دساں گی پئی میرا اےآکھن دا کیہ مطلب اے۔

لوک: بیان کرن والی، بچہ، لوسیفر (شیطان)

حقوق: بحق سی ای ایف جرمنی محفوظ نے۔