STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 152 (Pass it on 2)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

152. Onbedinjt wiedasajen 2


Nä, dit hauden dee vea Leprakranke nich jedocht, aus see sich krank un haulfvehunjat no daut Loaga von de Fiend schlijden.

1. Leprakranka: "See ekj rechtich? Daut kaun doch nich soo senen?"

2. Leprakranka: "Doch, de Zelte sent aula ladich! De Fiend sent wajch!"

1. Leprakranka: "Vleicht wellen see ons bloos eent hinjalajen."

Oba soo wia daut nich. De Syrer, dee aul lanj de Staut beloagaden un de Israelieten doothunjren loten wullen, wieren aula utjekläft.

Wäa haud dän fuatjejoacht?

De Bibel deit ons dit Jeheemnis veroden:

Dee läwendja Gott haud een Jelud jemoakt aus wan sea väl Soldoten kaumen. Un wiels see dochten, Israel haud sich met wäm aundren toopjedonen, hauden see aules stonen un lijen jeloten un wieren fuatjerant.

Gott haud daut Wunda aum jäajen Owent jedonen. Aulso krajt to de Tiet aus sich dise vea oppjemoakt hauden, om sich de Fiend hantojäwen. See räakjenden met däm Doot, un funjen daut Läwen.

1. Leprakranka: "Soo väl Äten! Ekj kaun daut noch ema meist nich jleewen."

2. Leprakranka: "Wie kjenen väl metnämen. Kjikj mol! Kjleeda, Golt un Selwa."

See auten un drunken. Un aus im Droom jinjen see derch daut Loaga.

1. Leprakranka: "Daut es nich rechtich waut wie doonen. Wie doawen nich bloos aun ons denkjen. Wie motten dee goode Norecht no de Staut brinjen. Wiels wan wie stell sent, vehunjren dee aundre. Un dan sent wie Schult aun äarem Doot."

De Kjennich jleewd iescht daut dise Norecht von de Fiend wia om iend ruttoloken. Oba dan randen de Menschen aula ut de Staut rut, un weelden daut Loaga von de Syrer derch. De Offezia, dee äwa Gott jespatat haud, wort bie däm jedrenj biem Doa dootjetraumpelt. Soo passied aules krajt soo, aus Gott daut veropp jesajcht haud.

Eena säd dee goode Norecht wieda. Wäa doaraun jleewd, dee äwaläwd. Woo scheen, daut dee eena nich stell jewast es.

Dan felt mie bie, waut Jesus mol jesajcht haud: Ekj läw, un jie sellen uk läwen. Hee well, daut aule Menschen läwen. Nich bloos äwaläwen, oba opp eewich läwen.

Väle weeten daut noch nich. Un doawäajens well ekj dee goode Norecht von Jesus wiedasajen. Du uk?


Persoonen: "Eena waut vetalen deit, 1.Leprakranka, 2.Leprakranka

Copyright: CEF Germany

www.WoL-Children.net

Page last modified on May 27, 2020, at 11:03 AM | powered by PmWiki (pmwiki-2.2.140)