Platt - Low German, Dramas: Piece 112 – Een Spieejel sajcht de Woarheit

This page in HTML4 - Print - Bottom

Home -- Platt (Low German) -- Perform a PLAY -- 112 (Mirror of the truth)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish ? -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

112. Een Spieejel sajcht de Woarheit

Wooväl mol hast du vendoag aul im Spieejel jekjit?

Marc kjijd im Spieejel. Hee vefieed sich. Oba aunstaut Wota un Seep to nämen, naum hee däm Spieejel un dan schmatad hee däm wuttich opp de Flua. (Schwoawels kjlinjren)

Soo onjefäa doonen maunche Menschen daut met de Bibel. See es aus een Spieejel un wiest de Erwosne un Kjinja waut im Läwen nich in Ordnung es. Väle pausst daut nich.

Aus Jeremia ver väl Joaren Profeet wia, daut meent, hee wia Gott sien Rädna in Israel, un doa beläwd hee daut selwje. Siene Prädijten wieren een Spieejel fa daut Volkj. Oba see wullen sich nich veändren. Gott haud väl Jedult met iend. Feftich Joa lang.

Gott siene Stemm: "Jeremia, nem die eene Schreftroll. Schriew aul miene Wieeda opp, vleicht horchen see dan opp mie, in ändren äa Läwen."

Daut wia eene Oabeit fa Monate. Jeremia deed Gott sien Wuat väasajen, un sien Schriewa deed aules oppschriewen.

Jeremia: "Baruch, nu sent wie foadich. Du weetst, ekj doaf nich mea im Tempel nengonen. Go du, in nem dise Schreftroll met."

Michaja horcht to, aus de Schreftroll väajeläst wort. Hee socht schwind im Kjennijspaulaust de Ministasch opp.

Michaja: "Baruch haft im Tempel Gott sien Wuat jeläst. Ons Läwen es nich in Ordnung. Gott woat ons bestrofen."

Minista: "Doot am met de Schreftroll hiehan holen."

Baruch kaum. Gott sien Wuat wia fa däm Minista aus een Spieejel.

Minista: "Baruch, wua hast du daut aules oppjeschräwen?"

Baruch: "Jeremia haft mie daut väajesajcht un ekj hab daut met Tint oppjeschräwen."

Minista: "Dit mott wie däm Kjennich malden. Baruch, doo die met Jeremia vestoppen, kjeena doaf weeten woo jie sent."

Kjennich Jojakim saut jemittlich in sienem Wintahus aum opnen Fia.

In sienem Läwen wia välet nich in Ordnung. Oba von Gott wull hee sich nuscht sajen loten. Jiedasmol, wan een poa Aufschnette jeläst wieren, stunt hee opp un schneet met däm Massa een Stekj von de Schreftroll auf un schmeet daut im Fia nen. Daut deed hee soo foaken, bat de gaunze Schreftroll vebrent wia.

Oba daut wort aula nocheenmol jeschräwen soo daut kjeena daut enwoaren kun.

Gott siene Leew es groot. Uk fa ons leet hee sien Wuat oppschriewen.

Mien Rot fa die: Doo jieden Dach de Bibel läsen. Lot die veändren.

Gott well daut du goot utseenen deist. Un gaunz besondasch in dienem Hoaten.

Persoonen: Eena waut vetalen deit, Jeremia, Gott siene Stemm, Minista, Baruch, Michaja

This page in HTML4 - Print - Top