STORIES for CHILDREN by Sister Farida

(www.wol-children.net)

Search in "Macedonian":

Home -- Macedonian -- Perform a PLAY -- 111 (A promise is a promise)

Previous Piece -- Next Piece

КУСИ ИЗВЕДБИ – одглуми ги пред други деца!
Куси изведби за да ги изведуваат деца

111. Ветувањето си е ветување


Непријател 1: „Откажете се! Ве победивме“.

Непријател 2: „Не потпирајте се на тоа што го вели вашиот цар. Ве лаже!“

Непријател 1: „Нашиот цар Сенахирим е најмоќен!“

Непријател 2: „Ха, вие сте губитници, а не војници“.

Непријател 1: „И, ако зависите од Бог, тогаш е готово“.

Непријателската Асирија го опсадила градот Ерусалим со 200.000 војници.

Мажите на градскиот ѕид биле тивки. Царот Езекија знаел дека нема излез. Но тој имал оружје за кое непријателот не знаел ништо. Оружје кое секогаш победува.

Toa оружје не можело да се најде во оружарницата, туку во неговото срце: доверба во Бог. Кој го има ова оружје никогаш не треба да се плаши од непријателот.

Гласникот на Езекија: „Царе Езекија, ова е писмо од Сенахирим“.

Езекија: „Не плашете се. Бог е на наша страна. Имајте доверба во Него!“

Езекија го зел писмото, отишол во Храмот и се молел:

Езекија: „Господе, Ти си нашиот Бог. Само Ти си цар. Спаси нè за сите да видат дека си жив Бог“.

Некои луѓе мислат дека, кога веруваат во Бог, сè во животот ќе биде лесно. Но во Библијата воопшто не се поучува тоа. Бог дозволува да ни се случуваат тешки нешта. Тие се тестови за да видиме дали навистина Му веруваме.

Езекија го положил овој тест и Бог му рекол:

„Така вели Господ Бог: ги слушнав твоите молитви. Непријателот нема да може да истрела ниедна стрела во градот“.

Навистина? Ниедна стрела?

Следниот ден сите се увериле во тоа.

Човек: „Види го ова! Непријателот е поразен!“

Човек: „Трупови насекаде. Кој го победи непријателот?“

Во Библијата пишува дека ноќта Бог испратил ангел. И ангелот убил 185.000 непријателски војници. Затоа ниедна стрела не била истрелана во градот.

Тоа што Бог го ветува го исполнува.

Можеме целосно да Му веруваме, како што се вели во Библијата во Псалм 33, стих 4:

„Зашто словото на Господ е право и сите дела Негови се извршени во верност“.

Читај го Божјото Слово и зависи од него. Тогаш ќе дознаеш дека Богот на Езекија е ист денес, како што бил тогаш. Тоа што Бог го ветува го исполнува.

Пиши ми, ако немаш Библија. Ќе добиеш една како подарок.


Улоги: Раскажувач, двајца непријатели, Езекија, гласникот на Езекија, човек.

© Copyright: CEF Germany

www.WoL-Children.net

Page last modified on August 08, 2023, at 08:56 AM | powered by PmWiki (pmwiki-2.3.3)