Home -- Albanian -- Perform a PLAY -- 027 (Jesus dies on the cross)
27. Jezusi vdes në kryq
Fëmija: "Mendoj se është e tmerrshme që Juda e tradhëtoi Jezusin."
Fëmija: "Pse nuk luftoi Jezusi me ta? Mund t’a kishte çliruar Veten."
Po është e vërtetë, Ai mundej, por kështu duhet të ndodhte.
Fëmija: "Nuk e kuptoj."
Biri i Perëndisë erdhi në botë për të vdekur për mëkatet tona. Përmes mosbindjes dhe fajit çdo njeri ndahet nga Zoti. Dhe paga e mëkatit është vdekja. Jezusi donte ta merrte këtë dënim mbi Vete, në mënyrë që të rivendoste përsëri miqësinë me Perëndinë.
Fëmija: "Oh, tani e kuptoj."
Vendimi përfundimtar u mor nga qeveritari. Sa herë që kombi festonte çlirimin e tij nga Egjipti, qeveritari lironte një të burgosur.
Pilati: "Kë duhet të liroj nga burgu këtë vit? Jezusin apo Barabën?"
Në fakt, Pilati donte ta linte Jezusin të lirë në vend të vrasësit Barabën, prandaj pyeti edhe një herë:
Pilati: "Doni të liroj Barabën apo Jezusin?"
Njerëzit: "Duam Barabën! Barabën!"
Pilati: "Dhe çfarë të bëj me Jezusin?"
Njerëzit: "Kryqëzoje! Kryqëzoje!"
Dhe kështu ndodhi. Biri i Perëndisë e mbajti kryqin e rëndë prej druri në kurrizin e tij të gjakosur, deri në kodrën e Golgotës, që të vdiste në vendin tonë. Mori dënimin me vdekje mbi Veten, atë që ne e meritonim. Për gjashtë orë Jezusi u mbajt varur në kryq. Para se të vdiste, Ai tha dy fjalët më të rëndësishme në të gjithë botën:
Jezusi: "U krye!"
Pastaj mbylli sytë dhe vdiq për mëkatet e gjithë botës.
Kushdo që beson në Jezusin do të ketë miqësi me Perëndinë si dhe jetë të përjetshme.
A e besoni këtë?
Kur Biri i Perëndisë vdiq, qielli u nxi katran - në mes të ditës! – dhe një tërmet tronditi gjithçka. I tronditur, centurioni tha:
Centurioni: "Me siguri ky është Biri i Perëndisë!"
Në mbrëmje, Jezusin e futën në një varr, por Ai nuk qëndroi atje. Më e mira nuk ka ardhur akoma!
Do t'ju tregoj gjithçka në dramën e ardhshme.
Folësit: Autori, dy fëmijët, Pilati, njerëzit, Jezusi, Centurioni
© E drejta e autorit: CEF Gjermani