STORIES for CHILDREN by Sister Farida(www.wol-children.net) |
|
|
Home عربي |
Home -- Platt (Low German) -- Perform a PLAY -- 057 (Taken hostage in Egypt 5) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen
57. Faustjenomen 5(Pieetsheefta) Opp eenem Kjennichswoagen fua Josef derch Ägypten. Aule Menschen deeden bejeistat Haunt schlonen wan hee vebiefoaren deed. Farao haud am toom tweedfäaschten Harscha jemoakt. Hee gauf am sienen iejnen Rinj, un doamet haud hee am aule Rajchte äwadroacht. Josef fua aun riepe Flekja un Paulmfoarme vebie. Daut kaum soo, aus Gott daut verut jesajcht haud: Eene groote Arnt kaum. (Hinjakaunt homren un kloppren) Josef leet groote Spikjasch buen. Doa kun dan väl Jetreijd oppbewoat woaren. Josef haud goot jeplont. Wiels daut wia krajt soo aus hee jesajcht haud. Doa kaumen no dee säwen goode Joaren säwen Hungajoaren. De Menschen kaumen in Noot, un kaumen dan no Farao. Volkj: "Ekj hab Hunga! Wie vehungren. Jäft ons Äten fa onse Kjinja." Farao: "Josef es doafäa veauntwuatlich. Doot waut hee junt sajcht." Von aulawäajend kaumen see. Segoa vom Utlaunt. Tien Mana veneijden sich ver am. Hee erkjand dän fuatz. Daut wieren siene Breeda. Dan docht Josef aun siene Dreem, aun äarem Hot un daut see am aus Sklow vekoft hauden. De Breeda erkjanden am oba nich. Josef deed gaunz strenj met iend räden. Josef: "Von wua kom jie?" Brooda: "Wie komen von Kanaan un muchten Jetreijd kjeepen." Josef: "Jie liejen. Jie sent Spione!" Brooda: "Nä, wie sent opprechtkji Menschen. Twalw Breeda. Eena es noch Tus un eena es doot." Josef: "Ekj jleew junt kjeen Wuat. Oba wiels ekj Gott leew, woa ekj junt Jetreijd jäwen. Oba ekj well, daut jie wadakomen un junen Brooda metbrinjen. Eena von junt blift hia solanj aus Geisel." Wuarom wia Josef soo hoat? Wull hee sich aufrakjen? Nä! Hee stald siene Breeda bloos opp de Proow. Hee wull seenen aus see sich jeändat hauden. See wissten daut nich, daut Josef iend vestonen deed, aus see metenaunda räden deeden. Brooda: "Dit es bestemt de Stroft doafäa, waut wie Josef mol aunjedonen haben." Josef kaumen de Tronen aus hee daut hieed. Hee gauf sich oba noch nich to erkjanen. Met jenuach Jetreijd troken de Breeda nohus un Simon bleef aus Geisel in Ägypten. Voda Jakob vevieed sich sea, aus hee hieed waut doa aula väa sich jegonen wia. Oba aus daut Jetreijd toenj wia, mussten see wada lostrakjen un Bejamin metnämen. De Breeda hauden Angst, aus see toom tweeden mol no Ägypten kaumen. Un dan? Daut näachste Spell toom horchen woat die daut veroden. Persoonen: Eena waut vetalen deit, Volkj, Farao, Josef, Breeda Copyright: CEF Germany |