Home -- Sindhi -- Perform a PLAY -- 153 (Does the devil exist 1)
!ڍراما- هنن کي ٻين ٻارن جي سامهون پڻ پيش ڪريو
ٻارن جي سامهون پيش ڪرڻ وارا ڍراما
351. ڇا شيطان موجود آهي 1
ٻار: ”منهنجو هڪ سوال آهي: ڇا شيطان سچ ۾ وجود رکي ٿو؟ هو ڪٿان آيو؟“
شيطان جو سچ ۾ وجود آهي۔ سندس ڪهاڻي آسمان کان شروع ٿئي ٿي۔
ٻار: ”آسمان کان؟“
جيترا بہ فرشتا هئا، انهن سڀني ۾ خوبصورت فرشتو لوسيفر هو۔
هن کي خدا جي عبادت ڪرڻ لاءِ خلقيو ويو هو۔ پر پوءِ غرور وارن خيالن سندس دل تي قبضو ڪري ورتو۔
لوسيفر: ”مان سڀني کان وڏو ٿيڻ چاهيان ٿو۔ خدا جھڙو! مان سڀني تي راڄ ڪرڻ چاهيان ٿو۔ مان خدا ٿيڻ چاهيان ٿو۔“
ڇو تہ هو سڀني کان عظيم جي عبادت ڪرڻ بدران پاڻ سڀني کان عظيم بڻجڻ چاهيو پيو، ان ڪري خدا هن کي آسمان تان هيٺ ڪرايو۔
تڏهن کان وٺي هن کي شيطان يا شيطان سڏيو وڃي ٿو ۽ هو خدا جو دشمن آهي۔ هو هر قسم جي چالون هلائي ٿو جنهن سان خدا جي ماڻهن لاءِ سندس منصوبن کي خراب يا برباد ڪري سگھي۔
خدا چاهي ٿو تہ اسين زندہ رهون – پر شيطان اسان جي موت چاهي ٿو۔
خدا کي سچائي سان محبت آهي – پر شيطان ڪوڙو آهي۔
خدا ماڻهن سان تعلق رکڻ چاهي ٿو – پر شيطان اسان کي برباد ڪرڻ چاهي ٿو۔
ٻار: ”هو آدم ۽ هوا کي برباد ڪرڻ ۾ ڪامياب ٿي ويو هو۔ انهن پاڻ کي آزمائش ۾ وجھي ڇڏيو هو۔“
مان توهان کي سندس خراب منصوبن جي باري ۾ ٻڌايان ٿي: ماڻهن کي خدا کان پري ڪرڻ لاءِ، هو سندن دلين ۾ خدا خلاف شڪ ۽ بي يقيني جو ٻج پوکيندو آهي۔
شيطان: ”ڇا سچ ۾ خدا چيو آهي تہ توهان هن وڻ جو ميوو نہ کائو؟ ڇا هو توهان کي وڌيڪ سٺيون شيون وٺڻ کان منع ڪري ٿو؟“
آدم ۽ هوا ٻئي ڄڻا جال ۾ ڦاسي ويا۔ ۽ انهن جي ڪري دنيا ۾ موت جنم ورتو۔ ان وقت کان وٺي هر انسان خدا کان جدا ٿي ويو۔
پر خدا جي محبت تمام وڏي آهي، ان ڪري هن واعدو ڪيو تہ هو شيطان کي هرائيندو ۽ ٻيهر سڀ ڪجھہ ٺيڪ ڪري ڇڏيندو۔
ٻار: ”هو ضرور يسوع جي ڳالهہ ڪري رهيو آهي، مونکي يقين آهي۔“
توهان بلڪل صحيح آهيو۔ يسوع ئي فتح مند آهي! شيطان سندس نالي سان بہ ڏڪي ٿو۔
هن ڄاڻيندو هو تہ جڏهن يسوع پيدا ٿيندو تہ هو ڪهڙي ملڪ ۾ پيدا ٿيندو، ان ڪري هن فرعون ۽ ٻين کي استعمال ڪيو تہ ڪوشش ڪن تہ يهودين کي ختم ڪري ڇڏين۔
پر خدا پنهنجي منصوبي کي ناڪام ٿيڻ نہ ڏنو۔ هڪ رات بيت لحم ۾ يسوع پيدا ٿيو۔
يسوع ئي فتح مند آهي! هو شيطان جي ڪمن کي برباد ڪرڻ آيو هو۔ ان ئي ڪري شيطان هن سان نفرت ڪري ٿو ۽ هاڻي هن کي پسند نہ ٿو ڪري۔
اڳتي واري ڊرامي کي ٻڌو ۽ مان توهان کي ٻڌائيندس تہ منهنجي چوڻ جو ڇا مطلب آهي۔
ماڻهون: بيان ڪرڻ واري، ٻار، لوسيفر (شيطان)
ynamreG FEC :thgirypoC ©