STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 045 (The catastrophe 4)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

45. Sinch´i mana allin kay 4


Haití suypi paraqay wayrawan wayrawan, jallp’api jinatapuni parasqayrayku tukuynejpi suchurashasqa. Chay tukuy suyukunamanta aswan wajcha kawsay kasqanrayku, ajinata sapa kuti paraspa tukuy chajra tarpusqankuta t’unaykullasqapuni. Orestil warmi, qosan yartiri jampiriwan, atin mana atin wasinku pata orqoman llojsishanku jina parapi. illapaj k’anchaynillan k’ancharisqa laqha tuti kaypeqa. Chay k’anchaypitaj Víctorta rinkunku uj chhanka patapi kashajta.

Orestil: "Kunan wañurpachisajpuni, pay juchayoj chay jinatapuni Jesusmanta parlaspa. Almas vengakushanku kay jina mana allin kaywa kunanqa, wañúchisajpuni, tukuy yuyanqanku parapi llust’aspa urmaykusqanta."

Chay jina mana allinwan yuyaynimpi junt’a wicharillasqapuni TiFampa tatanqa. Jinata rishaspallataj, ujta jusk’uman saruykuspa ujnin chakinta khakarparikun, mana chaymanta astawan kuyuriyllatapis atinchu.

Orestil: "¡Waaay… yanapawaychej arí! Yanapa..."

Illapakuna mayta sonarishajtimpis, Víctorqa uyarin chay qhaparikuytaqa. Mana pay yacharchu imaraykuchus chay yartiri runa qhatiykachasqantaqa.

Orestil: "Yanapawaychej arí. Noqa kuraj wawaypa wasinman chayayta munarqani, pay tiyakun jaqay pata lomapi."

¡Chay jina llullarí! jinapis Víctorqa yanapan. Atin mana atin chaki khallasqataqa uj ch’ujllaman aysaspa chayachin, chaypi paramanta pakakunku. Uj manchay sonaj ñaqha juq’arayarpachimpis, mana illapapischu karqa, astawan astawan sinch’ichasqa chay sonayqa. Chay orqoqa kharkatiyta qallarinqa, manchay jatuchej chhankas chay urapi llajtaman yaykuspa p’ampayta qallarisharqa. TiFampa tatanqantaj imanakuya mana atispa.

Orestil: "¡Aayy, warmiy, imillitay TiFam... chaypi kashanku, yanapananchej tiyan!"

Víctor: "Imarayku mana kasuwarqankichurí, noqa wasiykikama jamurqani ayqekunaykichejta munaspa. Qan juchayoj kanki sichus warmiyki, wawaykipis wañunqanku chayqa."

Chay jina llakiy chay llajtapeqa, Víctorpa yanapayninwan TiFampa tatanqa ñak’ayta wasin karqa chayman chayaspa allayta qallarin, jinata allashaspa manchharisqa sayarpaspa:

Orestil: "Aayy, warmiy wañusqa. Jinapis jaqaypi imacha kuyurin, ¡¡TiFam!!"

Ñak’ayta qhet’i ukhumanta aysarqonku imillita Tifamtaqa, mat’ita ujllaykuspataj.

Orestil: "¡Wawitay, TiFam, juch’uy imillitay!"

Víctor: "Señor Jesús, yanapawayku arí. Misionerokunata kachamuy jampista, mikhunatapis apamunankupaj."

Jesús uyarirqapuni mañakusqantaqa. Manaraj unayman yanapa ñapis chayarqaña, TiFamtataj helicópteropi hospitalman apanku misionerosqa.

Chaymanta imachus kasqanta, qhepallampiña willasqayki.


Personajes: Relator, Orestil, Victor

© Copyright: CEF Germany

www.WoL-Children.net

Page last modified on August 08, 2023, at 04:48 PM | powered by PmWiki (pmwiki-2.3.3)