Home -- Quechua -- Perform a PLAY -- 017 (So courageous 2)
17. Manchay atiyniyoj 2
Paraqa p’uñumanta jina jich’akusharqa. Uj maskha p’unchaykunallapi pastos q’omeryarinku, tukuy q’omirkuna, tarpusqaspis chhika unay mana para kasqanmanta q’omiryarikuyta qallarirqanku.
¿Pitaj parata kachamu paranan mit’api paranampajrí? ¿Pitaj tukuy ima kajta chhikata kawsachinrí?
Israel llajtaj kawsasqanmanta willay kasqanman jina, ñaqha tukuyllapuni qonqakapusqanku uj k’ata Dioslla kasqanmantaqa, chanta Diospuni parata jallp’aman parachimusqanta, jiantaj intita k’anchachimusqanmantapis.
K’aspimanta, rumimanta ima dioskunata ruwarikusqanku. Chaykunamanta ujta sutichasqanku Baal nispa, chanta creísqankutaj chay runaj ruwasqan mikhunata paykunaman qonanta, tukuy tarpusqankuta poqochinanta, jinataj uywakunata mirachinantapis.
Chayta ruwaspa, chay runaj ruwasqampi creenankupajqa kamachejninku Acab kasqa.
Tukuy chay qallarisqa, Jezabel sutiyoj warmiwan casaraspa pantaykusqanmantapacha, chay warmita pusakusqa may suyupichus uj k’ata cheqa mana Diosta rejsisqankuchu chay llajtamanta. Chay warmitaj Israel llajtaman religiónninta chayaykuchisqa, Baalpi creeytawan. Acabtaj chaypi creenampaj umanta muyuchichikusqa, ruwasqa imallapi wañusqa jina apaykachana diospi, Israel llajtapis kikinta ruwallarqataj.
Arí, mantajmin tukuychu. Nitaj Elíaspis creesqachu. Payqa cheqamanta Diosta qhatejkunamanta, Diosta uyarejkunamanta karqa.
Uj p’unchaytaj orarqa:
Elías: (triste) "Diostatay, mañakuyki arí kinsa wata junt’ata ama parachimunaykita, kay llajtamanta runakuna yachanankupaj qanlla uj k’ata cheqa Dios kasqaykita, pichus parata parachimun tukuy jallp’api kaj chhika wiñanankupaj chay."
Elíasqa yacharqapuni chay mañakusqanman Diostata kutichispa rikuchinanta Paylla uj k’ata cheqa Dios kasqantaqa.
Usqay usqata t’ijuspa reypa kamachinan wasiman qayllaykun. Mana yaykushasqanta willachispalla, jatun kamachina wasinman yaykuspa maypichus rey Acab kasharqa chaykama chayaykun.
Mana ni chhikanta kharkarispa ñawpaqenman sayaykuspa, jatunmanta nin:
Elías: (con autoridad) "Rey Acab, cheqamantapuni Diosniyqa kawsan, jamoj watakunapi mana para kanqachu, ní ujchhikitallampis t’akaykachakunqachu. Chaypi rikunki yachankitaj uj k’ata kawsaj Dioslla kasqanta."
Manaraj uj simitapis Acab chay nisqanman kutichishajtintaj, Diosmanta sut’inchaj Eliasqa chaypacha ripusqa.
Chaymanta…
Imachus kasqanta, qhepampi astawan yachanki, chaykamallaña.
Personajes: Relator, Elías
© Copyright: CEF Germany