031. خُدا محبت اے

کُڑی: ”کامی نو آئی کاشی کوشی۔“

مُنڈا: ”اِگو دا سلاوِت؛ بوگ اِست لجُوبو۔“

کُڑی: ”یسوع سیوگیدر، سیور بَینی۔“

گھبراﺅ ناں، تہانوں بالکل ٹھیک سُنیا جاندا اے! ساڈے نِکے لِسانیات والے سکول وچ تہانوں جی آیاں نوں۔

ساڈے نال آﺅ! تین منٹ وچ تُسی دُنیا دا ساریاں نالوں خاص جملہ مختلف بولیاں وچ سیکھ سکدے او۔

تے اوہ ساریاں نالوں خاص جملہ کیہ اے؟ میَں خوشی نال تہانوں دسدی اَں:

خدا محبت اے، تے اوہ تہاڈے نال وی محبت کردا اے!

ذرا سوچو! اوہ عظیم، قادرِ مطلق خدا، جنہے اسمان تے زمین نوں بنایا، اوہ تہاڈے نال محبت کردا اے!

تُسی ایہہ دس سکدے ہو پئی اوہنے کیہ کیتا کیوں جو اوہنے آپنا اکلا پُتر دھرتی اُتے گھلیا، تاں جو اوہ تہاڈے گناہواں دے بدلے قربان ہو کے تہاڈی تھاں آپنی جان دے سکے۔

اوہنے ایس طرح ایس لئی کیتا تاں جو تہاڈا اوہدے نال رشتہ بن سکے، دھرتی تے اسمان دونہواں اُتے۔

خدا دا پیار ایڈا وڈا ے۔ ایہہ کدی ختم نہیں ہوندا۔

ایس لئی تُسی آکھ سکدے ہو: خدا محبت اے، تے اوہ تہاڈے نال وی محبت کردا اے۔

افریقہ دی اک بولی وچ، ایہہ کجھ ایس طرح اے:

ہتالا سِنتا، تو تو تو ڈومِنی۔ ہتالا سِنتا، تاﺅ تین یانگ کونگ۔

گیت: ”ہتالا سِنتا، تو، تو تو ڈومِنی۔ ۔۔۔“ (ویو فائل نال اے)

کی تُسی دُنیا دا سب نالوں اہم جُملہ جرمن بولی وچ وی سکھنا چاہندے او؟

گاٹ اِسڈی لیبا، لِسٹ مشیا لوزی۔ گاٹ اِسڈی لیبا، علئےٹاخ مش۔

گیت: ”گاٹ اِسڈی لیبا، لِسٹ مشیا لوزی۔ گاٹ اِسڈی لیبا، علئےٹاخ مش۔‘‘ (ویو فائل نال اے)

ایہہ سچ اے۔ بائبل سانوں دسدی اے:

”خدا نے دُنیا نال ایہو جہی محبت رکھی، پئی اوہنے آپنا اکلا پُتر بخش دِتا، تاں پئی جو کوئی اوہدے اُتے ایمان لیاوے ہلاک نہ ہووے سگوں سدا دی حیاتی پائے“ (یوحنا ۳: ۶۱)۔

خدا تہاڈے نال بڑا پیار کردا اے۔ ایہہ بالکل سچ اے! تے ایس لئی تُسی آپنا ناں ایس آیت وچ شامل کر سکدے ہو جس طرح ٹومی نے کیتا۔

ٹومی: ”خدا نے ٹومی نال ایہو جہی محبت رکھی، پئی اوہنے آپنا اکلا پُتر بخش دِتا، تاں پئی جے ٹومی اوہدے اُتے ایمان لیاوے، تے ٹومی ہلاک نہ ہووے سگوں سدا دی حیاتی پاوے۔“

خدا ہر بچے نال محبت کردا اے۔ ایہدے نال کوئی فرق نہیں پیندا پئی اوہ کیہڑی بولی بولدا اے یا اوہدا رنگ کیہو جیہا اے۔ کیہ تہاڈے بیلی تے جماعت دے بچے ایہہ گل پہلاں تھوں جاندے نے؟ اوہناں نوں دسو!

تے اوہناں نوں سدا دیو پئی اوہ نِکے لسانیات والے سکول نوں سُنن۔

ہن تُسی ترکی دی بولی وچ ایس جملے نوں سن سکدے ہو:

گیت: ”اﷲ، سیو گدیِر، کُرتاریکیمدیر۔۔۔“ (ویو فائل نال اے)

یاد رکھو پئی خدا محبت اے، تے اوہ تہاڈے نال وی محبت کردا اے! کیہ تُسی محبت دے خدا دے بارے وچ ہور جاننا چاہندے ہو؟ تے مینوں لکھ کے گھلو۔

لوک: بیان کرن والی، کُڑی، مُنڈا، ٹومی

حقوق: بحق سی ای ایف جرمنی محفوظ نے۔