Home -- Kazakh -- Perform a PLAY -- 021 (Sin begins little by little 6)
21. Күнә кішкентайдан басталады 6
Ахаб патша сарайды аралап жүрді. Қайта-қайта терезенің қасына барып, оның жақтауына сүйеніп, жүзімдікті тамашалады.
Ахаб: «Бұл жүзімдік менікі болуы керек! Ол менің сарайымның дәл жанында орналасқан. Мен оны әдемі орамжапырақ өсетін баққа айналдырамын».
Ол жүзімдіктің иесіне барды.
Ахаб: «Набутай, маған жүзімдігіңді сат».
Набутай: «Мен жүзімдігімді сата алмаймын! Бұл жер маған ата-бабамнан қалған мұра. Құдай заңы бойынша мұраны сатуға рұқсат етілмейді».
Ахаб қатты ренішпен бұрылып, тіпті қоштаспастан кетіп қалды. Көңіл-күйі бұзылып, ол төсекке жатып қалды.
Балалар, сендер қалаған затқа немесе жақсы нәтижеге қолдарың жетпеген кезде көңіл-күйлерің бұзылады ма?
Ахаб патша ашуланып бетін қабырғаға бұрды.
Езабел: «Саған не болды?» - деп сұрады.
Езабел патшаны не мазалап жүргенін білгенде:
Езабел: «Орныңнан тұрып, көңіліңді көтер. Мен сенің тілегіңді орындаймын» - деді.
Патшайым қала ақсақалдарына хат жазып, оған патшаның жалған қолын койып және патшаның мөрімен бекітті. Ақсақалдарға жіберілген хатта былай деп жазылды: «Жиналыс өткізіңдер, Набутайды соған шақырып, оны былай деп айыптаңдар: “Сен Құдайға және патшаға тіл тигіздің, сол үшін өлуің керек”».
Патшайымның бұйрығы орындалды. Набутай ешнәрсе күдіктенбестен жиналысқа келді, сол күні кешке ол өлтірілді.
Кішкентай күнәнің осындай сұмдық әрекетке апаруы қандай қорқынышты.
Көрдің - қаладың - қызғандың - тәкаппарлық таныттың - ренжідің - алдадың - өлтірдің!
Набутайдың мерт болған туралы хабар бүкіл елге тез тарады. Жүзімдік енді Ахабтың иелігінде болды. Бірақ ол Құдайдың бұған қалай қарайтыны тұралы ойламады. Күтпеген жерден патшаға Ілияс пайғамбар келеді. Ахаб таңданғаннан шошып кетті.
Ахаб: «Мені таптың ба, менің жауым!»
Ілияс: «Иә, таптым. Сен күнәға бой алдырдың, жүрегіңде оның өсуіне жол бердің. Құдай күнәні жек көреді, сондықтан Ол сені және отбасыңды жояды!»
Бұл сөздер патшаға тыныштық бермеді. Ол өзінің істеген барлық істеріне өкінді. Құдай оның жүрегін көріп, оған мейірімділік көрсетті.
Біз Иеміз Исаның алдында күнәларымызды мойындаған кезде, Ол бізге адал болады және барлық күнәларымызды кешіреді.
Рөлдер: Баяндаушы, Ахаб, Езабел, Набутай, Ілияс
Авторлық құқықтар: CEF Germany