Home -- Macedonian -- Perform a PLAY -- 021 (Sin begins little by little 6)
21. Гревот започнува малку по малку 6
Царот Ахав одел напред – назад во неговата палата. Уште еднаш се потпрел на прозорецот и се восхитувал на лозјето.
Ахав: „Морам да го имам тоа лозје! Тоа е веднаш до мојата палата. Од него би можел да направам прекрасна градина, па дури и да одгледувам зеленчук“.
Тој отишол кај сопственикот.
Ахав: „Навутеј, продај ми го твоето лозје“.
Навутеј: „Не е можно! Ова парче земја ми е наследство од моите татковци. Не ни е дозволено да продаваме наследство – таков е Божјиот закон“.
Без да каже догледање, Ахав заминал и отишол дома навреден. Одеднаш, легнал на својот кревет.
Дали се лутиш кога не го добиваш тоа што го сакаш?
Царот Ахав го свртел своето намуртено лице кон ѕидот.
Језавела: „Што се случува со тебе?“
Кога Језавела слушнала што го мачи, рекла:
Језавела: „Стани и насмевни се. Ќе се погрижам да го добиеш тоа што го сакаш“.
Царицата напишала писмо до градските советници, го фалсификувала потписот на царот и го запечатила писмото со прстенот на царот.
Градските советници ги прочитале следниве зборови: „Организирајте забава и поканете го Навутеј. Потоа обвинете го и кажете: ’Ти хулеше на Бог и на царот; затоа мораш да умреш‘ “.
И така се случило. Без сомнение, Навутеј ја прифатил поканата и на крајот од вечерта бил мртов.
Зар не е ужасно колку мал грев може да прерасне во толку страшен?
Гледање – посакување – завист – гордост – да бидеш навреден – лаги – и потоа убиство!
Веста за смртта на Навутеј се ширела брзо. Потоа царот Ахав отишол да го земе лозјето како свое. Но тој постапил без да размисли што ќе мисли Бог. Одеднаш Илија застанал пред него. Ахав пребледел како дух.
Ахав: „Значи сега ме најде, непријателу?“
Илија: „Да, те најдов. Се продаде да грешиш и дозволи тоа да расте во твоето срце. Бог го мрази гревот и ќе те уништи тебе и твоето семејство“.
Царот размислувал за овие зборови постојано. Му било жал за сѐ што направил. И Бог го видел неговото срце и бил милостив кон него.
Кога ги исповедаме нашите гревови на Господ Исус, Тој е верен и ќе ни прости за нашиот грев.
Улоги: Раскажувач, Ахав, Језавела, Навутеј, Илија.
© Copyright: CEF Germany