Quechua, Dramas: Piece 021 – Juchaqa siminchejpi qallariy atinman 6

This page in HTML4 - Print - Bottom

Home -- Quechua -- Perform a PLAY -- 021 (Sin begins little by little 6)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- Platt (Low German) -- Portuguese -- Punjabi -- QUECHUA -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!

Juchuy Kuentitus wawaskunapaj Ruwaskan

21. Juchaqa siminchejpi qallariy atinman 6

Rey Acabqa kamachinan palaciopi kayman jaqayman puriykashan, imata mana ruway asispa jina. Kutin kutinta ventanamanta qhawashallantaj chay jawapi k’acha sumaj uva huertataqa.

Acab: "Jap’inaypuni tiyan kaytaqa. Mana karupichu kamachinay palaciomanta chaymankama llojsinaypajpacha, sumajpuni kashan. Aswan sumaj uva huertaman noqa tukuchiyman."

Chay uva huertaj dueñompajman kachaykukun.

Acab: "Nabot, noqa jamushayki palacioy qayllapi uva huertaykita vendenawaykita munaspa."

Nabot: "Mana chay atikunchu reyniy. Chay uva huertaqa tataykunaj qowasqan herencia. Herenciaqa mana vendekunmanchu, chayta nin Diospa kamachisqampi."

Chayta nejtinkama, ch’inmanta llojsimun manchay phiñasqa wasinman cheqanta ripun, chayaytawantaj nipita parlapayaspa ch’inmanta cama pataman wijch’urpakun.

¿Qampis jinatachu phiñakuyta yachanki imachus munasqayki jina mana atikojtin?

Rey Acabqa perqa k’uchuman kutirirpaspa kikimpi wijch’urayan, warmintaj:

Jezabel: "¿Umm imataj pasasunkirí?"

Reina Jezabel tukuy imachus kasqanta yachaytawan, kay jinata nin:

Jezabel: "¿Manachu qanqa rey kanki? Jatarikuy, kusikuspa mikhuy, noqatajcha yachasaj imaynamanta chay munasqayki qampata kanampaj."

Reinaqa cartasta qhelqayta qallarin tukuy chay llajtapi churasqakunaman, reypa firmanwan, sellonwan sellaykuspa ima. Chaytataj tukuyman apaykuchin uj tatankuta ruwanankupaj, chayta jap’eqajkuna ñawirispataj imachus kamachisqa cartapi kasqanman jina ruwasqanku: chay tatantakuymantaj uva huertayoj Nabot-ta wajyachinankuta nisqa, kikinta ruwaspataj, mana kajmanta llulla testigoswan ch’ataykuchisqanku: Diospa contranta parlan, chanta reypa contrantapis, chayrayku wañunan tiyan, nispa.

Ajinatataj ruwanku. Uva huertayoj Nabotqa ni ujchhikantapis chay mana allinta wakichisqankupi yuyaspa risqa wajyachisqankuman jina, chay p’unchaypacha ch’isiyaykuyshajtinñataj ñapis wañusqaña karqa.

¿Manachu juch’uy imakunaraykulla, may millay juchata ruwayman chayanku? Rikuytawa – jap’iyta munay – envidiakuy – orgullo – k‘umuykachachiy – chantataj wañuchiy.

Nabotpa wañusqanmanta parlaqa tukuynejman chay rato chayan. Acabtaj uva huerta jap’ej rinpacha, imakunatachus ruwasqanqa mana Diosllaqan, jinallapi Elías ñannimpi rikhurillantaj. Acabqa manchhariywan q’ellupacha sayarpan.

Acab: "¿Enemigoy kashaspachu taripawanki?"

Elías: "Ari, taripayki. Juchaman qan kikiyki jaywakunki, sonqoykipitaj juchata wiñachinki. Tata Diosqa juchata chejnikun, chayrayku qanta jinata ayllukita chinkachisunqachej."

Eliaspa nisqanqa tullunkama reyman chayarpan, tukuuy mana allin ruwasqanmanta arrepentikun. Tata Diostaj sonqonta rikuspa khuyarikun paymanta.

Juchanchejta Jesúsman rimarejtinchejqa, Diostata cheqa kayninwan perdonawanchej.

Personajes: Relator, Acab, Jezabel, Nabot, Elías

This page in HTML4 - Print - Top