STORIES for CHILDREN by Sister Farida

(www.wol-children.net)

Search in "Fulfulde":

Home -- Fulfulde -- Perform a PLAY -- 011 (Jesus is born)

Previous Piece -- Next Piece

DRAMAS -- perform them for other children!
Plays for children to perform

11. Annabi Iisaa jibinaama


(Hito teppe buy tempe buy)

Mo lanɗo on immini on : "Onon, yimɓe Naasirata! Aree ɗoo heɗoɗon yamiroore lanɗo on! Yimɓe ɓen no haanaa winditeede. Mo kala no haani yiltaade ka o jibinaa ɗon fii no o winditora ka saare ka o jibinaa ɗon.

Pellet ɗun hinaa kibaaruuji moƴƴi non. Kono no ootigi lanniri winditagol, himo waawi yiltitaade ka o iwi ɗon. Ɗoftee ndee yamiroore! Anditee wonde : lanɗo on hinaa waɗoowo samakala."

Saare Naasirata nden fow jiiɓodiri. Hari yimɓe buy no monii. Yamiroore lanɗo on nden woopodirii e eɓɓooje maɓɓe ɗen, kono hinde yaadi e eɓɓoore Alla nden.

Hay Mariyama e Yuusufu no haanunoo eɓɓindagol fii ndun yaaadu woɗɗudu. Yuusufu ko o jeyaaɗo e bolondaa annabi Daawuuda on, ko ɗun si o yiltori Baytilahiimi, saare ka o jibinaa ɗon.

Yaadu ndun sattataano, kono si ko kilooji teemedere e cappanɗe jeeɗiɗi e ko fawi, haray hinaa ko weli fii!

Wonandemo kanko Mariyama, yaadu ndun welanaano mo fii ɓay ko o sowiiɗo dikkuru makko ndun. Himo andunoo wonde ko kanko wonata Geɗal Alla ko fii malaa’ikaajo on feɲɲinaniino mo kanko e Yuusufu fii ɗen nele labaaɗe.

Annabi Iisaa, Dandoowo aduna on – ko ɗun wonunoo eɓɓoore Alla nden.

Yaadu Baytilahiimi ndun ko buy juuti. Balɗe jowi hiɓe ka laawol. Mariyama e Yuusufu habbanooki sugu ɗin piiji ko heɓayno ɓe. Kono ɗun no tawdaa e ko Alla eɓɓi kon, ko ɗun waɗi si ɓe ɗoftii ko ɓe yamiraa kon.

Ko ɓe hewti Baytilahiimi, ɓe hawrondiri e ko ɓe habbanooki.

Jom suudu hoɓɓe ndun : "Alaa ka wonee. Cuuɗi ɗin fow ƴettaama. Yahee nokku goo. Yahee, alaa ka weeron ɗoo."

Ka ɓe hammiri woo, ɓe alaaka udditaneede dambugal.

Ka sakkitorun, ɓe heɓi nokkuure ka ɓe wona ka dingiraa.

Dingiraa ka eɓɓoore Alla.

Ka tumbere jemma, kaawake waɗi.

Annabi Iisaa jibinaama. Yumma Mariyama ƴetti annabi Iisaa, buumi mo, wallini e nder kunnawal.

Eɓɓoore Alla nden laatike.

Anditee, duuɓi teemeɗɗe jeeɗiɗi ado kon ko feƴƴi, hari Alla fodiino wonde Almasiihu on jibinte e ndee nokkuure wi'eteende Baytilahiimi.

Hakkee ko Alla yiɗi aduna on, o laatinii eɓɓooore makko nden, o yeɗii Ɓiɗɗo makko on fii men.


Yewtooåe : Fillitotooɗo, mo lanɗo on immini on, jom suudu hoɓɓe ndun

© Copyright : CEF Allemagne

www.WoL-Children.net

Page last modified on December 21, 2021, at 12:23 PM | powered by PmWiki (pmwiki-2.3.3)