Home -- Quechua -- Perform a PLAY -- 011 (Jesus is born)
11. Jesús paqarikunña
(Pasos de personas)
Mensajero del emperador: "¡Nazaretmanta runakuna! ¡jamuychej uyariychej kamachejpa kamachisqanta! runa yupay kanqa. Sapa llajtamanta kutinaykichej tiyan may llajtapichus paqarirqankichej chay llajtaman."
"Yachayku kay willayqa mana allinchu qankunapaj kasqanta, chaywampis mana imapis noqaykoqa kaykuchu, imachus ruwanaykuta junt’ajkunalla kamachej nisqanman jina. Arí, paqarisqaykichej llajtaman kutiyta atinkichej, runa yupay qallakojtinkama."
"¡Kasuychejpuni kay kamachisqataqa! qankuna yachankichej jina, manchay phiña runa kamachej kasqanta."
Tukuy Nazaret llajtayojkuna kuyuriyta qallarerqanku. Askhataj phiñasqas, imaraykuchus chay kamachisqaqa mana paykunaj yuyasqanku jinachu karqa, jinapis Diospa wakichisqanman jina chay kasharqa.
Josewan Mariawampis wakichikuyta qallarinku chay runa yupayman rinankupaj. Imaraykuchus Joseqa Davidpa mirayninmanta karqa, chayrayku Belenman rinampuni karqa, maypichus paqarisqa chay llajtaman. Llajtankuman kutinaqa kusikuycha karqa, chaywampi rinanku karqa 170 km-ta chakipi…
Maríapaj aswampis chay rinaqa mana atikoj jina karqa, imaraykuchus ñawpaj kaj wawitanta paqarichinampiña kasharqa. Pay yacharqa Diostata ajllakusqanta Diospa churimpa maman kanampaj; uj ángel payman willasqa chay willaytaqa jinataj Josemampis.
Jesusqa paqarin, tukuy runasta salvaj, chaymin Diospa sumaj wakichisqan karqa.
Belenman rinankuqa manapis ni jayk’aj tukukoj jina karqa, phisqa p’unchaytaña rishallarqankupuni. Mariawan Joseywan mana chay jinata rinankupaj paykunallamanta wakichikunkumanchu karqa, jinapis Diospa wakichisqampi kasharqanku, chayrayku rinallanku karqa.
Belén llajtapi paykunata uj mana allin kay suyasharqa:
Mesonero: "Tukuynej junt’aña, manaña kampo kanchu nimaypi qhepakunaykichejpaj. Wajkunata tapurikamullaychej, kaypeqa mana qankuna qhepakunaykichejpaj kanchu."
Tukuylla punkuta wisk’arpanku wasinku junt’a kasqanrayku. Ñak’ay ñak’ayta uywa corralpi tarinku chay tuta puñukunankupaj, ¡chaytaj Diospa wakichisqampi kasharqa uywa corralpi qhepakunanku!
Chay uywa corralpi chay tuta may t’ukuna karqa, Jesús chaypi paqarin. Maríaqa wawa Jesusta janantasman k’iruykuspa uywaj mikhunannejman puñuykuchin, chaypitaj Diospa wakichisqan junt’akun. T’ukunapaj, 700 watakuna ñawpajtaña Diostata ñapis nisqaña uj Slavador paqarinanmantaqa, nisqañapunitaj Belén llajtapi uywa corralpi paqarinanta.
Chay jinatapuni Tata Dios runakunata munakusqanrayku chay nisqanta junt’aspa, uj k’ata churinta qowanchej, tukuy Paypi creejkuna salvasqa kanapaj.
Personajes: Relator, mensajero del emperador, mesonero
© Copyright: CEF Germany