Home -- Albanian -- Perform a PLAY -- 013 (Gifts for Jesus)
13. Dhurata për Jezusin
Thomas pa gjyshin e tij duke gdhendur figura në djep. Ato dukeshin kaq reale - barinjtë, Jozefi dhe Maria dhe foshnja Jezus. Me kalimin e kohës, ai u lodh dhe e zuri gjumi.
Pa në ëndërr stallën në Betlehem. Oh, mendoi Thomas, mund t'i afrohem grazhdit.
U afrua më shumë dhe befas u trishtua. Atëherë Jezusi i foli atij.
Jezusi: "Pse je kaq i trishtuar?"
Thomas: "Sepse nuk të kam sjellë asnjë dhuartë."
Jezusi: "Mos u trishto. Dua vetëm tre gjëra nga ti."
Thomas: "Do të jap gjithçka kam. Trenin tim elektrik, kompjuterin e lojërave, dhe…"
Jezusi: "Jo, nuk është kjo, ajo që dua nga ti; nuk është kjo arsyeja pse erdha nga qielli në tokë."
Thomas: "Po çfarë do atëherë?"
Jezusi: "Ma jep mua testin e fundit të matematikës."
Thomas: "Por mora një "D" në të."
Jezusi: "Për këtë arsye e dua. Gjithmonë silli tek Unë gjërat që nuk janë të mjaftueshme. Do e bësh këtë gjë?"
Thomas: "Po, do të t’i sjell."
Jezusi: "Dhurata e dytë që dua është tasi yt i kornfleksave."
Thomas: "Nuk mund të të jap sepse e kam thyer."
Jezusi: "Pikërisht për këtë arsye e dua. Gjithmonë sill tek Unë çdo gjë të thyer. Do e bësh këtë gjë?"
Thomas: "Po, do e bëj."
Jezusi: "Edhe tani dëshira ime e tretë. Thomas, dua të më thuash përgjigjen që i dhe mamit kur e theve tasin e kornfleksave."
Atëherë Thomas filloi të qante, dhe zemra e tij u thye.
Thomas: "Unë… e gënjeva atë."
Jezusi: "Thomas, gënjeshtrat e tua, sfidat e tua, çdo gjë të keqe në jetën tënde mund t’a sjellësh tek unë - gjatë gjithë jetës tënde. Do të të fal dhe do të të ndihmoj të jetosh në mënyrën e duhur. Do të jem gjithmonë me ty për të treguar rrugën e jetës. A e dëshiron këtë gjë?"
Dhe sa e donte këtë gjë Thomas! Që atëherë ai besoi në Jezusin dhe iu bind Atij.
Folësit: Autori, zëri i Jezusit, Thomas
© E drejta e autorit: CEF Gjermani