Home -- Aymara -- Perform a PLAY -- 013 (Gifts for Jesus)
13. Jesusatac regalonaca
Tomasejj achilaparuw pesebrenquerinaca uñtata c’ullut qhitusquiri uñch’uquiscäna. Nïya quipcänwa: awatirinaca, María uqhamaraqui José Jesús wawapampi. Jaya uñch’uquisinsti karjjätayna, mesa patjjaruwa icj-jjatayna.
Belen uywa uyumpiw samcasiscäna. Ucanjja sataynawa, ¡sumaraquisä!, jichhapï uywa uyurojja jac’achasirïstjja.
Jac’achasitaynawa, ucatstï mayac llact’asitayna. Ucjjarojja Jesusaw pärljjayatayna:
Jesús: “Cunats wali llaquitäta?”
Tomas: “Janiw cuns apancti, cuna regalsa.”
Jesús: “Jan llaquisimti. Quimsanacaqui jumat munirista.”
Tomás: “Take cunajja regalsma. Electric maquinajja, computadora anatañanacajja, uqhamaraqui…”
Jesús: “Janiw uca jumat müncti, janiw ucataqui alajj pachata aca pacharu jutcti.”
Tomás: “¿Cuns uqhamajja?”
Jesús: “Khepa matemática examen regalita.”
Tomás: “Ucampisa jan walïchejjay calificacionajjajja.”
Jesús: “Ucatpï ucjj muntjja. Take cunanacatejj jan wali utjctamjjä ucanac apanitasma uc muntjja, cauquirinacatï jan suma calificacionaniqui ucanaca. ¿Muntatï?”
Tomás: “Jïsa, muntwa.”
Jesús: “Payïrinjja jisc’a platitumäquejja uc munta.”
Tomás: “Janiw uc regalquirismati, ucj p’acjtwa.”
Jesús: “Ucatpï ucj muntjja. Takecunanactï jacawïman p’acjtajja ucana churita. Nayaw asquichä uqhamaraqui sumachä. Acanacajj janiw yänaquicaspati. ¿Muntatï?”
Tomás: “Jïsa, muntwa.”
Jesús: “Ucjjarojja quimsïrinjja muntwa: Cuntï sisctajj mamamarojja cunapachatejj jisct’tamjja cunjams uca platitojj p’acjasi, uc munta.”
Tamasejj walpin jachatayna, jacht’asisajj sänwa:
Tomás: “K’aristwa…”
Jesús: “Tomás, c’arinacama, jan ist’asitanacama, take cuna jan walinaca, takpach jacañama nayar apanismawa. Perdonsmawa uqhamaraqui suma, cheka jacañamataqui yanapt’añ munsma. Juma jac’ancañ munta uqhamaraqui chekpach jacaña munsma uñacht’ayaña. ¿Muntatï?”
Tamasejj ucj wal munäna. Ucat ucsarojja Jesusaruw creyetayna uqhamaraqui juparuw jaysjjäna.
Uñstirinaca: Parliri, Tomás, Jesusan arupa
© Copyright: CEF Germany