STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 013 (Joy that never leaves us)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

13. Jeschenkja fa Jesus


Tomas deit sienem Grosspape tokjikjen, woo de Figuren utschnieden deit fa de Kjrebb. Dee sagen soo ut, aus wann dee gaunz werklich wieren: De Hoad, Josef un Maria met däm Jesuskjind. Biem tokjikjen wort Tomas meed, un schleep doa aum Desch en. Hee dreemd vom Staul in Betlehem. Oo, docht Tomas, nu kaun ekj gaunz dicht no de Kjrebb gonen. Un daut deed hee dan uk, un dann wort hee oppeenmol gaunz trurich. Oba dann räd Jesus met am.

Jesus: "Wuarom best du soo trurich?"

Tomas: "Wiels ekj nuscht fa die metjebrocht hab."

Jesus: "Du brukst doawäajens nich trurich senen. Bloos dree Dinja mucht ekj von die haben."

Tomas: "Ekj schenkj die aules, waut ekj hab. Miene elektrische Iesabon, un miene Computerspels, un..."

Jesus: "Nä, daut well ekj nich von die, doato sie ekj nich vom Himmel no de Ieed jekomen."

Tomas: "Waut dan?"

Jesus: "Schenkj mie diene latzte Räakjenoabeit!"

Tomas: "Oba dee es sea schlajcht utjefollen."

Jesus: "Krajt doawäajens well ekj dee haben. Brinj mie ema aule Oppgowen woo unje steit, daut det nich toriekjen deit. Dien ganzet Läwen lang kaust du mie daut brinjen. West du?"

Tomas: "Jo, daut well ekj."

Jesus: "Un aus tweedet well ekj diene Jrettschiew."

Tomas: "Dee kaun ekj die nich schenkjen, dee hab ekj tweijebroaken."

Jesus: "Krajt doawäajens well ekj dee haben. Brinj mie ema aules, waut du im Läwen vebroaken hast. Ekj kaun daut aula heelen. West du?"

Tomas: "Jo."

Jesus: "Nu noch mien dredda Wensch: Thoams, ekj mucht de Auntwuat, dee du diene Mame jäwen deetzt, aus see die fruach, woo daut jekomen wia, daut diene Jrettschiew kaput jegonen wia."

Dann fonk Tomas oba aun sea to hielen un stodat rom.

Tomas: "Ekj hab däa aunejeloagen."

Jesus: "Aules waut du jeloagen hast, aul dien trotzen, aules Beese doafst du no mie brinjen, dien gaunzet Läwen lang. Ekj doo die vezeien un well die halpen soo to läwen aus daut rechtich es. Ekj well ema met die gonen un die dän rajchten Wajch wiesen. West du?"

Un Tomas wull. Von dann jleewd hee aun Jesus un deed opp am horchen.


Persoonen: Eena waut vetalen deit, Tomas, Stemm von Jesus

Copyright: CEF Germany

www.WoL-Children.net

Page last modified on August 08, 2023, at 07:36 AM | powered by PmWiki (pmwiki-2.3.3)