STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 045 (The catastrophe 4) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 54. تباہی ۴ہیٹی وچ طوفان نے اَت کر چھڈی۔ ایس غریب دھرتی اُتے، خطرناک طوفاناں نال فصلاں برباد ہوندیاں رہندیاں سن۔ اورسٹل، چڑیلاں دا ڈاکٹر جس طرح ای مینہ تے ہنیرے وچ پہاڑ اُتے چڑھیا تے اوہنوں ساہ چڑھ گیا۔ بجلی دی لشک نے ہنیرے نوں چانن کر دِتا۔ اوہنے ٹبّے اُتے وکٹر نوں پچھان لیا۔ اورسٹل: ”میَں اوہنوں مار دیاں گا۔ سب کچھ اوہدی وجہ توں ہویا اے کیوں جو اوہ سدا یسوع دے بارے وچ گل کردا اے۔ ایس طوفان نال روحواں ساڈے کول مُڑ آوندیاں پیاں نے۔ میَں اوہنوں مار دیاں گا تے ہر کوئی ایہہ سمجھے گا پئی اوہ ٹیلیاں اُتوں ڈگ کے مر گیا اے۔“ آپنے دِل وچ قتل دا خیال لے کے، اورسٹل اگے ودھیا۔ پر اوہ اچانک ای اک بہت وڈے ٹوئےوچ ڈگ پیا تے اوہدی لت وچ موچ آ گئی۔ ہن اوہ اگے نئیں سی ودھ سکدا۔ اورسٹل: ”بچاوو! بچاوو!“ بدل بٹرےزور دا گجدا پیا سی، فیر وی وکٹر نے مدد لئی اوہدی پکار نوں سُن لیا۔ اوہ نئیں سی جاندا پئی چڑیلاں دا ڈاکٹر اوہدا پیچھا کیوں پیا کردا سی۔ اورسٹل: ”مینوں بچاوو۔ میَں آپنی وڈی کُڑی نوں ملن لئی جانا چاہندا اَں جیہڑی پہاڑاں تے رہندی اے۔“ اورسٹل بہت چھُو ٹھا بندہ سی۔ پر فیر وی وکٹر نے اوہدی مدد کیتی۔ اوہ بڑے دھیان نال ایس زخمی بندے نوں اک جھگی وچ لے گیا جہدے وچ اوہ بارش توں بچے رہے۔ اک مٹھی جیہی واج نے اوہناں نوں مجبور کیتا پئی اوہ اوس واج نوں سنن۔ ایہہ اسمانی بجلی دی واج نئیں سی۔ اوہ واج کٹن دے بجائے ہور وی اُچی ہوندی گئی۔ پہاڑ کنبھ گئے۔ ٹبّے ٹوٹے ٹوٹے ہو کے وادی وچ ڈِگے تے اوہناں پورے پنڈ نوں لُکا لیا۔ اورسٹل ڈر گیا۔ اورسٹل: ”میری بیوی، میری طیفام! سانوں اوہناں دی مدد نوں جانا چاہیدا اے!“ وکٹر: ”اورسٹل، تُساں میری گل کیوں نئیں سی منّی؟ میَں تہانوںپہلاں ای مٹّی دے ٹبّیاں بارے دسیا سی! جے تہاڈی بیوی تے کُڑی مر گئیاں تے ایہدے ذمہ دار تُسی ہوو گے۔“ بڑی مشکل تے وکٹر دی مدد نال، اورسٹل خود نوں گھسیٹ کے اوس تھاں اُتے لے گیا جتھے کدی اوہدا گھر ہوندا سی۔ اوہنے بے چین ہو کے دلدل وچ کھدائی شروع کر دِتی۔ فیر اوہ ٹھہر گیا۔ اورسٹل: ”میری بیوی مر گئی اے۔ پر اودھر اوس پاسے ویکھو، کجھ ہل جُل ہو رہی اے! طیفام!“ اورسٹل: ”طیفام، میری طیفام!“ وکٹر: ”خداوند یسوع، ساڈی مدد کر۔ مشنریاں نوں ساڈے کول بھیج جیہڑے خوراک تے دوائیاں لے کے آون۔“ یسوع نے وکٹر دی دعا دا جواب دِتا۔ تھوڑے چِر وچ مدد آ گئی تے طیفام نوں ہیلی کاپٹر وچ مشن ہسپتال پہنچایا گیا۔ جے تُسی اگلی کہانی سُنو تے فیر تہانوں پتہ لگے گا پئی اوہدے نال کی ہویا۔ لوک: بیان کرن والی، اورسٹل، وکٹر حقوق: بحق سی ای ایف جرمنی محفوظ نے۔ |