STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 046 (How to become a child of God 5) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 64. خُدا دا بچہ کسطرح بنی دا اے ۵ہیٹی وچ آئی آفت بڑی خوف ناک سی۔ طوفان دے بعد ٹبّیاں دے وڈے وڈے ٹوٹے وادی وچ ڈِگے تے اوس پورے پنڈ نوں کج دِتا جہدے وچ طیفام رہندی سی۔ پر خدا نے اوہدی جان بچا لئی۔ مشن ہسپتال وچ طیفام چھیتی ای چنگی ہوگئی۔ طیفام نوں نرساں پسند کردیاں سن تے او دے چھیتی چنگیاں ہون لئی خوش وی سن۔ نرس: ”توں ہن چنگی ہو رہی ایں، طیفام۔ کیہ تینوں پڑھن لکھن دا شوق ہے اے؟“ طیفام: ”ہاں جی، میَں ایہہ چاہندی آں۔ پر مینوں اوس کتاب توں ڈر لگدا اے۔“ نرس: ”تینوں بائبل کولوں ڈرن دی لوڑ نئیں اے۔ اسی ایہدے وچ پڑھنے اَں پئی یسوع بچیاں نوں پیار کردا اے۔“ اوہدے بعد، طیفام روز مشن سکول جاندی سی۔ جدوں مذہب بارے پڑھایا جاندا سی تے اوہ آپنے کن بند کر لیندی، پر کدی کدی اوہ تھوڑا جیہا سُن لیندی سی۔ اوہنوں استانی دی ایہہ سمجھ نئیں سی آوندی پئی کہ”خدا دا بچہ“ بنن بارے داکیہ مطلب اے۔ اوہ چھیتی نال آپنے تعویز نوں پھڑ لیندی سی جیہڑا اوہنے آپنے گل وچ پایا ہویا سی۔ اک کُڑی اوہدے اُتے ہسدی ہوندی سی۔ طیفام ڈری ہوئی سی تے سکول دے کمرے وچوں دوڑ گئی۔ نرس: ”طیفام، توں کیوں روندی پئی ایں؟“ طیفام: ”مینوں ایہدی سمجھ نئی آوندی۔ میَں کس طرح خدا دی دھی بن سکدی اَں؟“ نرس: ”بائبل وچ ایہہ لکھیا اے پئی جیہڑا وی یسوع اُتے یقین رکھدا اے تے اوہنوں آکھدا اے پئی میری زندگی دا مالک بن جا، تے فیر اوہ انسان خدا دا پُتر یا دھی بن جاندی اے۔“ طیفام: ”جے میَں ایس طرح کیتا تے میرا پیو مینوں سزا دیوے گا۔ مینوں ڈر لگدا پیا اے۔“ نرس: ”اسی اوہدے لئی دُعا کراں گے، پئی اوہ وی اک دِن خدا دے پُتر اُتے یقین کرے۔“ طیفام دا حونصلہ ودھ گیا تے اوہنے دعا کیتی۔ طیفام: ”مالک یسوع، میَں تہاڈے اُتے یقین کردی آں۔ میرے گناہواں نوں معاف کرو تے میری زندگی وچ آوو۔“ نرس: ”ہن توں خدا دی دھی ایں۔ تے یسوع ہن سدا تیرے نال اے۔“ طیفام (خوشی نال): ”میَں خدا دی دھی آں!“ کجھ ویلے بعد، اوہدا پیو اوہنوں لین آیا۔ اوتھوں جا ن لگیاں اوہنوں اک بائبل تحفے وچ دِتی گئی۔ اوہدا پیو اوہنوں شک دیاں نظراں نال ویکھدا رہیا تے گھر اپڑن تک چپ رہیا۔ اورسٹل: ”کیہ توں وی یسوع اُتے یقین رکھدی ایں؟“ طیفام: ”جی ہاں ابو، میَں خدا دی دھی آں۔ مہربانی نال تُسی وی آپنی زندگی وچ یسوع اُتے ایمان لے آوو۔ بائبل وچ لکھیا اے پئی جدوں تُسی ایس طرح کرو گے، تے تُسی وی خدا دے پُتر بن جاوو گے۔“ طیفام نے اجے ہور کجھ نہ آکھیا۔ تے اوہدے پیو نے اوہدے ہتھ وچوں بائبل لے لئی، تے اوہنوں پاڑ کے ٹوٹے ٹوٹے کر دِتا، تے وا وچ اُڈا دِتا۔ تے فیر؟ اگلی کہانی وچ تہانوں پتہ لگے گا پئی کیہ ہویا۔ لوک: بیان کرن والی، نرس (مشنری ہسپتال دی)، طیفام، اورسٹل حقوق: بحق سی ای ایف جرمنی محفوظ نے۔ |