STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 113 (Can your God do everything)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

113. Cheqamanta Diosqa tukuy atiyniyoj


Katy: "Ester, qolqeta regalawanku, nipipis yacharqachu noqa Diosmanta mañasqayta qolqeta qonawankupaj khuchisituyman churanaypaj."

Ester: "¿Ima khuchisitutaj chayrí?"

Katy: "Aamm uj khuchisito misiónpaj, chayman qolqeta campopi wajcha wakunapaj tantanaypaj á. Qolqesituymanta ujchhikanta qoni chay misiónnejta yanapanaypaj. Kunantaj uj muñecata wantiyta munani kay navidadpi campoman apachinaypaj. ¿Risunmanchu muñeca rantej?"

Katy: "¡Imarayku manarí, jaku!"

Qhatupeqa iskaynin imillitaj manchayta muñecata rantinankupaj mask’arisqanku, azul vestidoyojpuni kanan tiyan, nispa. Chanta rantiytawantaj t’ijito rillasqankutaj señora Hartmann sutiyojpa wasinman.

(Timbre)

Allin p’unchay señora Hartmann, kayta apamuyku chay paquete navidadpaj.

Señora Hartmann: "Ay, kunanrí tukuyninña sumaj paquetespi q’epichasqaña á."

Katy: "¡Nitaj á! kay muñecaqa rinampuni tiyan campomanqa. Chaypajpuni Jesús qolqeta regalawan chaywan rantinaypaj."

Chay señora Hartmann imayna sonqowanchu chay imillitakuna apasqankuta qhawaspa, watejmanta paquetesta phaskaraspa chayman churasqa muñecataqa.

Katy: "Mayta agradeceyku señora Hartmann. Diostataqa mayqen wawapajcha wakichin chay apamusqaykutaqa."

¡Sichu hermana Rut chayta riparanman karqa chayrí! Payqa campopi misioneramanta llank’asqa wawakunaman yachachispa. Adina sutiyojqa chayrato jap’eqasqa waj rimaykunataqa. Jinapis manapuni uyarisqachu jayk’ajpis kawsaj Dios jatuchej milagrosta ruwasqantaqa.

Adina: "¿Cheqapunichu qankunaj Diosniykichej tukuy imata atin?"

Hermana Rut: "Ari á, Paypajqa manapuni imapis mana atikojqa kanchupara."

Adina: "Ajina chayqa, navidadpaj Alemania suyumanta uj muñecata apachimuwachun azul ventidoyojta."

Hermana Rutqa mana yachayta atisqachu imaynamantachus Dios chay mañakuyman kutichinantaqa.

¡Ñaqha wasamampis wijch’ukusqa, uj paquete navidadpi muñecawan chayasqanmantaqa! chayqa mana jinapis kachun á, nisqallachu karqa.

Hermana Rut: "Pachi Señor Jesús. Cheqamanta qan kawsanki, chanta imatapis ruwankipuni wawasniykipajqa. Yanapaypuni Adinapis rikuspa creenampaj chay atiyniykipi Tatay."

Manchay k’acha papelwan mayt’usqapi regalota jaywasqanku Adinamanqa.

Hermana Rut: "Kayqa Adina, kayta apachimusunki Señor Jesúsqa."

(ruido de papel que se rompe)

Adina: "¡Uj muñeca! uumm manchay k’achiro. Imaynatachus mañakusqay jinapuni."

Kusiymantaqa tukuy atisqanta wasi ukhupi phinkirisqa regalo jap’isqanmantaqa. Kaymanta jinallataj ch’inlla sayarpasqa.

Adina: "Hermana Rut, cheqapuni, Jesús tukuy imata atin. Kunan creeni Paypi, imaraykuchus mañakusqayta qowampuni. Señor Jesús, jamuy kawsayniyman, llimphuchay kay sonqoyta, qampata kay munani. Ajina kachun."

Cheqa kusikuytapuni chay navidadpi Adina rikusqa, sonqontaj mayta t’ikarisqa jinata oracojtinqa. Jesúsqa tukuy imata atin, nispa tukuyman willarasqa.


Personajes: Relator, Katy, Ester, Señora Hartmann, Adina, Hermana Rut

© Copyright: CEF Germany

www.WoL-Children.net

Page last modified on August 08, 2023, at 05:06 PM | powered by PmWiki (pmwiki-2.3.3)