STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 034 (The most important question)

Previous Piece -- Next Piece

DRAMAS -- perform them for other children!
Plays for children to perform

34. Tukuy imamanta sumaj kaj watukuy


Iskay Jesuspa yachachisqankuna loma patapi kasharqanku manchay manchharisqa nimata mana parlariyta atispa janaj pacha qhawarisqa. Chayratolla Jesús paykunanwan parlasqa, jinallapi pataman oqharisqa kasqa phuyutaj qhataykusqa, manañataj rikusqankuñachu.

Qhawashajtillankupunitaj, kaymanta jina iskay runakunata rikorqanku yuraj p’achasqaniyojta paykunawan khuska kashajta.

Ángel: "¿Imarayku qawashankichej cielotari? Jesús ripun, ajinallatataj kutimonqa."

¡Jesús kutimonqa! ¿manachu uj sumaj niy (promesa) karqa?

Niña: "¿Cheqapunichu Jesús kutimonqa?"

Ari, imaraykuchus Pay kikin nin Bibliapeqa, Diospa nisqampi nin: Wawasista janaj pachapi wakichimusaj qankunapaj, chantá jamuspa pusasqaykichej paypichus kashani chayman noqawan rinaykichejpaj, nispa.

Niño: "Uumm, ¿mayk’ajtaj kunan kutimonqa Jesúsrí?"

Jesuspa yachachisqasnin chayta tapojtinku, Jesusqa kuticherqa:

Jesús: "Ama mayk’ajchus, ima p’unchaychus kutimunaymanta llakikuychejchu. Aswan allinqa, ni ima kashajtin noqamanta qonqanawaykichej. Noqapi creeychej, suyawaychejtaj. Tata Dioslla yachan, ima ratochus kutimunaymantaqa."

Chanta imakunachus señales kanqa kutimunan p’unchay qayllapiña kasqanta yachanapaj chaykunamantawan.

Sut’inchaspa nerqa, ñawpajta guerras chanta terremotosraj kananta. Chaykuna kajtin, manaña unaychu kutimunanman kananta.

Niño: "¿Chanta imaynatataj kutimojqa Jesusrí?"

Niña: "¿Phuyus chawpipi icharí?"

Oh, arí, sumajta jap’eqashanki imatachus parlasqanchejtaqa. Jesuspa kutimuyninqa kanqa kaymanta jinalla, ní telepi, ni radiopi nitaj qhelqasqanejtapis sut’inchakunqachu ima p’unchay kutimuynin kananmantaqa. Chaywampis tukuy rikunqanku, pikunachus mana Payta rejsisps kawsajkunapis. Pikunachus mana kawsasqanta nejkunapis, mayta musphanqanku. Pikunachus Jesusta munakojkuna chanta suyajkunataj, mayta kusikunqanku Paywantaj ripunqanku cieloman.

¿Chaypichu noqa kashasaj? ¿Qanrí, chaypichu kashanki? Chaymá t’ukurinapaj tapuyqa. Tata Diosqa munan tukuy chay p’unchay suyashananchejta, imaraykuchus munakuwanchej. Señor Jesucristopi creesqallanchejmin chay p’unchay Paywan khuska phawarikapunanchejpajqa kashan.

Arí, ¡Jesús kutimonqa! Yuyani manaña unaychu chay p’uchaypaj kasqanta.


Personajes: Relator, ángel, niña, niño, Jesús

© Copyright: CEF Germany

www.WoL-Children.net

Page last modified on April 14, 2021, at 05:06 PM | powered by PmWiki (pmwiki-2.2.140)