Home -- Aymara -- Perform a PLAY -- 034 (The most important question)
34. Ucaw jucänpi jach’a jisct’ajja
Pani Jesusan arquirinacapajja wali muspharataw kollun jicjjatasipjjäna uqhamaraqui cielor wal uñch’uquisa. Mä juc’a nayrjajj Jesusajj jupanacampiw parlascatayna, ucat mayac aptatäjjana ucjjarusti mä kenayaw imantjjäna ucjjarusti jan uñjcayawa chhakawayjjäna.
Uñch’uquisquipansti, mayac pä chachanacaru jankot int’ata jupanacamp chisct’ata uñjapjjatayna.
Ángel: “¿Cunats cielor uñchuquisipta? Jesusajj cunjamtï cielor sarjjejja uqhamaraquiw cutt’anini.”
¡Jesusajj cutt’aniniwa! ¿Janit ucajj mä suma aru despedidäquï?
Niña: “¿Chekati Jesusajj cutt’anini?”
Jisa, jupapachpawa Biblian sasqui, Tatitun arunacapana: Utjawinac jumanacatac cielon waquichä ucatsti jumanacar thakheriw jutä nayamp chict’atäpjjañamataqui.
Niño: “Cuna pachasa Jesusajj cutt’anini?”
Cunapachatï arquirinacapajj uqham jisct’apjjänjja Jesusajj sataynawa:
Jesús: “Cuna pachänisa ucajj janiw jucämpïquitijan. Nayat jan armasipjjamti ucay juc’ampejja. Nayar creyipjjeta suyt’apjjaraquita. Diosa sapaquiwa cunapachatï cutt’anï ucja yäti.”
Uñacht’äwinacat parlaraquïnwa cunanac toketi maynejj amuyasispa jupan cutiniñapajja jac’anjjewa. Janïrar cutinquipanjja guerranaca terremotonaca utjañapa. ¡Cuna pachatejj ucajj pasjjanijja, janc’aquiw jutjani!
Niña: “¿Cunjamsa jesusajj cutt’anini?”
Niño: “Kenayanac patjaru, ¿uqhamajjaya?”
Uqhamawa, cuntï parlascayatanjja sum ist’ascatatajjä. Jutañapajja acatjamatäniwa. Ni cuna yatiyäwi, ni cuna celular mensajesa yatïcanit. Ucampisa takeniwa uñjapjjani, jan amuyirinaca uqhamarac jan jupampi jaquirina. Qhitinacatejj sapjäna janiw jupajj utjquiti sasinjja wal sustjasipjjani. Ucampisa qhitinacatï munapcäna suut’asipcaraquïnjja, wal cusisipjjani ucatsi alajj pacharuwa jupan chict’ata sarjjapjjani.
¿Ucancäti nayajja? ¿Jumajj ucancatati? Ucaw jucänpi jach’a jisct’ajja. Diosaj takenisa ucañcamapa munïjja, sapa maynirujjay munchejja. Tatit Jesusar iyawsañawa laycujja ucancañäniwa.
¡Jesusajj cutininiwa! Janiw ucataqui ancha faltjjeti.
Uñstirinaca: Parliri, ángel, niña, niño, Jesús
© Copyright: CEF Germany