STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 033 (Farewell from the mountain)

Previous Piece -- Next Piece

DRAMAS -- perform them for other children!
Plays for children to perform

33. Orqopatapi kacharpaya


Niño: "Sumajpacha, juevesqa mana escuelaman risajchu, feriado juevesqa."

Niña: "¿Ima feriadotaj?"

Niño: "Jesús janaj pachaman wicharisqanmanta feriado á."

Niña: "¿Ima niyta munan chayri?"

Niño: "Aaa, mana noqapis sumajta yachanichu."

¿Munankichejchu chaymanta sut’incharinayta?

Niño: "Ar, munaykuman yachaytaqa."

Jesuspa wicharipusqanqa yuyarichiwanchej, kay jallp’amanta janaj pachaman Jesús ripusqanta, Pay riporqa kay pachapi tukuy ima ruwananta tukuytawan. Chaytaj karqa 40 p’unchayman Jesús kawsarimpusqanmanta, chay 40 p’unchaykunapi askha kutista yachachisqasninta watoj rerqa. Ujatawampis rikorqanku, uyarerqankutaj yachachisqasnintapis, Paywan mikhorqanku ima. Uj p’unchaypis 500 runakunapis rikusqanku.

40 p’unchaykuna Pascuamanta kashajtin Jesús chunka ujniyoj yachachisqasninta Olivos Orqo qayllaman pusarqa. Paykunallawan kayta munarqa manaraj ripushaspa uj imata ninamopaj.

Jesús: "Imatachus Dios niwasqanta junt’ani, kunanqa qankuna riychej tukuy kay pachantinman, nimuychejtaj tukuyman noqa wañusqayta, kawsarimusqaytawan paykunarayku. Nimuychej noqapie creinankuta janaj pachaman yaykunankupaj. Amataj qonqaychejchu: noqa qankunawampuni kashasqayta, kallpachaqaykichejta tukuyman noqamanta willanaykichejpaj."

Chaymanta makisninta oqharispataj bendicerqa. Jinallapi kaymanta jina pataman oqharikaporqa phuyustaj p’ampaykorqanku ñawisninkumanta. Yachachisqasninqa imaynatachus phuyus ukhuman chinkaripojta qhawasharqanku mana rikukoj Diospa llajtamanman ripojta.

Niño: "Uumm, kunan ¿imatataj Jesús cielopi ruwashanrí?"

Pyqa kamachin tukuy mundontinta, mañakusqanchejta uyarin, chanta Diostatamanta mañan noqanchejrayku. Tukuy pikunachus Payki creejkunarayku, chanta wasista ima wakichishan.

Niña: "Chayta noqa leyerqani Bibliaypi. Jesús nin: "Tataypa wasimpeqa askha wasis tiyan, jaqayman rishani, qankunapaj uj cheqata wakichipusqaykichej, nispa."

Niño: "¿Jesuspa yachachisqasnin manaña paykunawan yachachejninku kasqanmanta llakikorqankuchu?"

Mana llakikorqankuchu, chayqa imaynachus nisqa kasqanman jina junt’akunampuni karqa.

Niño: "¿Ima nisqa?"

Chayta qhepankutipi cuentasqaykichej chaychu.


Personajes: Relator, dos niños, Jesús

© Copyright: CEF Germany

www.WoL-Children.net

Page last modified on April 14, 2021, at 05:03 PM | powered by PmWiki (pmwiki-2.2.140)