STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 033 (Farewell from the mountain)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

33. Aufscheet opp däm Boajch


Junj: "Scheen, aum Donadach bruck wie nich to School gonen, wiels Heljidach es."

Mäadche: "Waut fa een Heljedach es daut?"

Junj: "Himmelfoat es dan."

Mäadche: "Waut haft daut äwahaupt to bedieden?"

Junj: "Hm, soo gaunz neiw weet ekj daut uk nich."

Saul ekj junt daut erkjläaren?

Junj: "Jo, daut mucht wie jiern weeten."

Himmelfoat deit ons denkjen halpen, daut Jesus sien Oppdrach hia opp de Ieed erfelt wia, un hee wada nom Himmel jinj. Jenau 40 Doag no Oostren es daut passieet. In dise 40 Doag kaum Jesus ema wada no siene Jinja. See sagen am, see hieeden am, see deeden met am toop äten. Aun eenem Dach kunen am sogoa 500 Menschen tojlikj seenen.

Un 40 doag no Oostren jinj hee met siene Jinja opp dän Eeljboajch. Hee wull met an auleen senen un iend toom Aufscheet noch waut wichtkjet sajen.

Jesus: "Ekj hab jedonen to waut Gott mie aunjestallt haud. Got no aule Menschen opp de Welt, un sajcht an daut, daut ekj fa iend jestorwen un oppjestonen sie. Sajcht an daut, doamet see aun mie jleewen en in dän Himmel komen. Un dot daut nich vejäten, ekj woa ema bie junt senen un junt de Krauft jäwen, om von mie wiedatosajen."

Dann deed Jesus siene Henj opphäwen un iend säajnen. Un aus hee daut deed, wort hee oppeenmol huachjehowen un von eene Wolkj oppjenomen. De Jinja kjijden Jesus hinjaraun, un sagen woo hee ver äare Uagen veschwinjen deed in eene onsechtboare Welt no Gott.

Junj: "Un waut deit Jesus nu im Himmel?"

Hee rejieet äwa aules, hee hieet onse Jebäda un deit bie Gott fa ons im Jebäd enstonen.

Un fa dee, dee aun am jleewen, moakt hee Stowen reed im Himmel.

Mäadche: "Daut hab ekj in de Bibel jeläst. Hia steit daut. Jesus sajcht: Bie mienem Voda im Himmel jeft daut väl Stowen. Ekj go doahan, un moak fa junt Stowen reed."

Junj: "Wieren de Jinja trurich, wiels Jesus nich mea bie an wia?"

Äwahaupt nich. Daut wia met eenem Väaspräakjen vebunjen.

Junj: "Waut fa een Vespräakjen?"

Daut woa ekj die biem näachsten Spell toom horchen veroden.


Persoonen: Eena waut vetalen deit, Junj, Mäadche, Jesus

Copyright: CEF Germany

www.WoL-Children.net

Page last modified on April 28, 2020, at 08:30 AM | powered by PmWiki (pmwiki-2.2.140)