Home -- Punjabi -- Perform a PLAY -- 131 (The death penalty for God's Son)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
131. خُدا دے پُتر لئی سزائے موت
انصاف کرن والا چاہندا سی پئی موت دی سزا سنائے۔ موت دی سزا دین والا تیار سی۔ تے خداوند یسوع نوں اوہدے دشمناں دے حوالے کر دِتا گیا۔
اوہناں نے اوہدے اُتے تھُکیا، خدا دے پُتر دے مُنہ اُتے چپیڑاں ماریاں تے اوہنوں کوڑے مارے۔
مارن تھوں سانوں کسے ہور دی تھاں اُتے سزا یادآوندی اے۔ یسوع بالکل وی ایس سلوک دا حق دار نہیں سی۔ اوہ کسے گل وچ وی گنہگار نہیں سی۔ ایہدے باوجود وی اوہنوں ساریاں نالوں بھیڑے طریقے نال سزا دِتی گئی۔
اوہنے آپنے زخمی تے خون وگدے ہوئے لک اُتے لکڑ دی بھاری صلیب چُکی تے یروشلیم دیاں گلیاں وچوں لنگیا۔
شہر دے باہر اک پہاڑی اُتے جہدا ناں گلگتا سی، ظالم سپاہیاں نے اوتھے اوہنوں کیل ٹھوک کے دو ڈاکواں دے وچکار صلیب اُتے ٹنگ دِتا، اک اوہدے کھبے پاسے سی تے دوجا اوہدے سجے پاسے سی۔
صلیب اُتے مرنا بڑا درد ناک سی۔ یسوع دے سر وچ پیڑ ہوئی، ڈاہڈی تریہہ وی لگی تے ساہ وی لینا اوکھا ہوگیا۔ اوہ ڈریا ہویا سی۔
تے اوہدے دشمناں نے اوہنوں ٹھٹھے مارے۔
ٹھٹھہ مارن والا: ”اوئے، جے توں سچ وچ خدا دا پُتر ایں تے صلیب اُتوں تھلے اُتر آ۔“
سپاہی: ”جے توں یہودیاں دا بادشاہ ایں تےآپنے آپ نوں بچا لے۔“
جے یسوع خود نوں بچانا چاہندا تے اوہ آسمان تھوں دھرتی اُتے ناں آوندا۔
اوہ ایس مقصد لئی آیا، پئی سانوں بچا سکے کیوں جو اوہ سانوں پیار کردا اے۔ یسوع تے آپنے دشمناں نال وی پیار کردا اے۔
یسوع: ”اے باپ اینہاں نوں معاف کر کیوں جو ایہہ نہیں جاندے پئی ایہہ کیہ کردے نے۔“
ذرا سوچو تین صلیباں۔ یسوع وچکار، اوہدے سجے تے اوہدے کھبے ہتھ ڈاکو۔ ایہہ منظر کجھ ایہو جیہا نہیں دِسدا پئی یسوع اینہاں دونہواں ڈاکواں وَل آپنا ہتھ ودھاندا پیا ہووے؟
ڈاکو (مینہ مارن والی واج نال): ”کیہ توں مسیح نہیں؟ توں آپنے آپ نوں تے سانوں بچا۔“
قاتل: ”چپ ہو جا۔ کیہ توں خدا نوں بھل گیا ایں؟ اسی تے گنہگار اَں کیوں جو گناہ کیتا اے، سانوں تے سزا ملنی چاہیدی اے، پر اینہے تے کجھ بُرا کیتا وی نہیں۔ اے یسوع، جدوں توں آپنی بادشاہی وچ جاویں تے مینوں یاد رکھیں۔“
یسوع: ”میَں تینوں سچ آکھدا اَں: پئی اج ای توں میرے نال فردوس وچ ہوویں گا۔“
قاتل نے آپنا گناہ قبول کیتا۔ تے ایسے کر کے اوہ آسمان اُتے جا سکدا سی۔
اوہ ٹھیک سی: اسی سارے گنہگار اَں۔ پر یسوع سانوں معاف کردا اے۔ تے اوہ سدا گنہگاراں لئی ہتھ ودھائی رکھدا اے۔
فیر توں سوچو تین صلیباں۔ یسوع وچکار، اوہدے سجے تے اوہدے کھبے ہتھ اُتے مجرم۔ اک نے یسوع اُتے بھروسہ کیتا، تے دوجے نے اوہنوں ٹھٹھہ ماریا۔ اک بچ گیا، دوجا نہ بچ سکیا۔ تُسی کیہڑے پاسے کھلوتے او؟
یسوع تہاڈے لئی ہتھ ودھا کے کھلوتا اے۔ اوہدا پیار تہاڈیاں خطاواں تھوں وڈا اے۔
لوک: بیان کرن والی، ٹھٹھہ مارن والا، سپاہی، یسوع، قاتل، ڈاکو
حقوق: بحق سی ای ایف جرمنی محفوظ نے۔