Home -- Malagasy -- Perform a PLAY -- 131 (The death penalty for God's Son)
131. Ny fanamelohana ho faty an'ilay zanak'Andriamanitra
Nankasitraka ny fanamelohana ho faty ny mpitsara. Efa vonona ny mpamono olona. Ary Jesoa Tompo dia natolotra ny fahavalony.
Nororan'izy ireo ny tavan'ny Zanak'Andriamanitra, nodarohana mafy sy nokapohiny tamin'ny karavasy Izy.
Ny kapoka dia mahatonga antsika hieritreritra fa voasazy, Jesoa anefa tsy mendrika izany. Tsy nanota velively izy! Na izany aza anefa, dia novonoina tamin'ny fomba mahatsiravina indrindra Izy.
Teo amin'ny lamosiny nihosin-dra no nitondrany ilay hazo fijaliana mavesatra namakivaky ny araben'i Jerosalema.
Tany ivelan'ny tanàna, teo amin'ny havoana atao hoe Golgota, dia nofantsihin'ny miaramila mahery setra teo amin'ny hazo fijaliana Izy, teo anelanelan'ny jiolahy roa, ny iray teo ankaviany ary ny iray teo ankavanany.
Nahatsiravina izany fahafatesana eo amin'ny hazo fijaliana izany. Nijaly mafy tamin'ny aretin'ny loha, ny hetaheta sy ny fahasemporana Jesoa. Natahotra Izy.
Ambonin'izany, dia naneso azy ny fahavalony.
Mpaniratsira: "Eh, raha tena Zanak'Andriamanitra tokoa Ianao, midina hiala amin'ny hazo fijaliana!"
Miaramila: "Raha toa ka mpanjakan'ny Jiosy ianao, vonjeo ny tenanao."
Raha te hamonjy ny tenany i Jesoa dia tsy ho nidina any an-danitra ho ety an-tany.
Tonga hamonjy antsika Izy satria tiany isika. Tia ny fahavalony mihitsy aza i Jesoa.
Jesoa: "Ray ô, mamelà ny helony, fa tsy fantany izay ataony."
Alaivo sary an-tsaina ireo hazo fijaliana telo ireo. Jesoa no teo afovoany, ary olon-dratsy roa nohomboana teo amin'ny ankavanany sy amin'ny ankaviany. Moa ve tsy toy ny nanatsotra ny sandriny tamin'ireo mpanota roa ireo i Jesoa?
Mpamono olona amin'ny feo feno fankahalana: "Tsy ianao ve no tokony ho ilay mpamonjy nampanantenaina? Koa noho izany, vonjeo ny tenanao ary vonjeo izahay."
Mpanao heloka bevava: "Mangina ianao. Adinonao angaha Andriamanitra? Isika dia meloka noho ny nataontsika, mendrika antsika ny sazintsika, saingy Izy anie tsy mba nanao ratsy e. Ry Jesoa Tompo ô, tsarovy aho, rehefa tonga amin'ny fanjakanao Hianao."
Jesoa: "Lazaiko aminao: Anio no hihaonanao amiko any paradisa."
Niaiky ny fahotany ilay mpamono olona. Ary izany no nahafahany niditra ny lanitra.
Marina ny teniny: meloka avokoa isika rehetra. Namela heloka anefa i Jesoa, ary naninjitra ny tanany hatrany amin'ny mpanota.
Alaivo sary an-tsaina indray ireo hazo fijaliana telo ireo. Jesoa teo afovoany sy teo ankavanany ary teo ankaviany ireo jiolahy roa nohomboana tamin'ny hazo fijaliana. Ny iray natoky an'i Jesoa, ny iray naneso Azy. Avotra ny iray, ary very ny iray. AIZA Aiza amin'ireo no hiandanianao?
Jesoa maninjitra ny tanany aminao. Lehibe noho ny helokao ny fitiavany anao.
Mpandray anjara: Mpitantara, mpaniratsira, miaramila, Jesoa, mpamono olona, mpanao heloka bevava
© Zon'ny mpamorona: CEF Alemaina