STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 076 (Three lies in one night)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

76. Dreemol jeloagen en eene Nacht


Petrus: "Nä, daut stemt nich! Niemols woa ekj daut doonen."

Maunchet mol kunn maun denkjen daut hee een Aunjäwa es. (Sich grootsch doonen) Oba ekj jleew doch, daut Petrus daut iernst meend.

Petrus: "Soowaut kaun mie doch nich passieren."

Hast du nich uk aul mo soo jedocht? Petrus wia sich ene Nacht gaunz sejcha, aus hee met Jesus un dee aundre Jinja gonen deed. Daut wia dunkel, un see wieren aula bedrekjt, aus Jesus oppeenmol stonen bleef un met iend räden deed.

Jesus: "In dise Nacht woa jie junt aula äwa mie oajren un mie auleen loten."

Petrus: "Niemols. Un wan sich aula äwa die oajren woaren, ekj woa nich."

Jesus kjant däm Mensch sien Hoat.

Jesus: "Petrus, ekj kjan die. Un ea de Hon kjräen woat, woascht du dreemol jesajcht haben daut du mie nich kjanst."

Petrus: "Har Jesus, niemols woa ekj daut doonen, leewa well ekj stoawen."

Dee aundre säden daut uk soo. Oba Jesus kjand iend bäta. Mo korte Tiet lota, aus Jesus von de Fiend jebunjen un metjenomen wort, veleeten see am aula. Petrus haud uk Angst. Hee jinj oba een nat bät hinja de Soldoten un Jesus, wiels hee wull kjikjen waut dee met Jesus doonen wudden.

Petrus: "Woo brinjen dee am woll han? In däm Paulaust vom huagen Priesta. Un ekj?"

Bloos nich oppfallich senen, doamet see mie nich uk noch jriepen.

Petrus sat sich bie de Fiend von sienem Harn han. Hee woamt sich uk doa aum Fia opp däm Hof. Aus dit dee rajchta Uat es? Een Frint von Jesus met dee toop de Jesus haussen?

1. Deenstmäadche: "Saj mol du kjemst mie irjendswie bekaunt fäa. Best du nich uk met Jesus metjegonen?"

Petrus: "Ekj? Woo kjemst du doaropp? Ekj vesto äwahaupt nich, von waut du räden deist."

2. Deenstmäadche: "Kjijt mol, dee jehieet uk to disem Jesus."

Petrus: "Daut es nich soo. Ekj kjan Jesus äwahaupt nich."

Kjnajcht: "Daut kaun jiedra sajen. Gaunz secha wiescht du bie Jesus. Diene Sproak deit die veroden."

Petrus: "Hieet doch opp met de Dommheit. Ekj kjan Jesus nich." (Hon kjreit)

Petrus vefieet sich un kjijt sich om. In nu woat uk krajt noch Jesus hia vebiejeleit. Jesus kjijt am trurich aun. Un soo aus Jesus am aunkjijt, daut jeit Petrus derch un derch. Hee denkjt aun daut, waut Jesus ver een poa Stund jesajcht haft.

Petrus haud vesajcht. Daut deed am sea leet. Hee jinj rut un musst sea hielen. Aus hee daut wisst, daut Jesus am doch noch ema goot wia?


Persoonen: Eena waut vetalen deit, Jesus, Petrus, twee Deenstmäadches, Kjnajcht

Copyright: CEF Germany

www.WoL-Children.net

Page last modified on August 08, 2023, at 07:49 AM | powered by PmWiki (pmwiki-2.3.3)