STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 046 (How to become a child of God 5)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

46. Woo woat maun een Gotteskjint 5


Schrakjlich wia daut Ojjlekj in Haiti. No däm Onwada donadi Steena un Blot vom Boajch rauf im Tol nen un deeden daut gaunze Darp begrowen, wua TiFam jewont haud. Oba Gott deed äa Läwen raden. Im Missionskrankenhus verhold TiFam sich schwind un wort gaunz jesunt. De Nurs leewd TiFam sea un freid sich daut dee soo bosich oppbätren deed.

Nurs: "Die jeit daut wada goot, TiFam. Wurscht du wellen läsen un schriewen lieren?"

TiFam: "Jo, daut wudd ekj wellen, oba ekj hab Angst fa daut Buak."

Nurs: "Du brugst doch nich Angst haben fa de Bibel, doa benen steit jeschräwen, daut Jesus de Kjinja goot es."

Un nu jinj TiFam jieden Dach no de Missionsschool. Un wann see ut de Bibel unjarechten deeden, dan hild see sich eefach de Uaren to. Oba auf un too deed see doch een bät tohorchen. See kunn daut nich vestonen waut de Schoolliera met Gotteskjint meend. Dann foot see schwind no äarem Opppaussa, däm see noch ema om däm Hauls henjen haud. Een Mäadche deed ar doawäajens utlachen. TiFam vefieed sich, un rant schwind ut däm Klauserum.

Nurs: "TiFam, wuarom deist du hielen?"

TiFam: "Ekj vesto daut nich, woo kaun ekj een Gotteskjint woaren?"

Nurs: "In de Bibel steit, wäa aun Gott jleeft un däm Harn Jesus in sien Läwen oppnemt, dee woat Gott sien Kjint."

TiFam: "Mien Voda woat mie bestrofen, wan ekj daut doo. Ekj hab Angst."

Nurs: "Wie woaren fa am bäden, doamet hee uk eenen Dach aun Gott sienen Sän jleewen kaun."

TiFam kjrieech nu nieen Moot un bäd:

TiFam: "Har Jesus, ekj jleew aun die. Vezei mie miene Sinden un kom in mien Läwen."

Nurs: "Nu best du Gott sien Kjint. Un Jesus es ema bie die."

TiFam (freelich): "Ekj sie nu Gott sien Kjint!"

Aus see no eene jewesse Tiet vom Voda aufjeholt wort, kjrieech see toom Aufscheet eene Bibel jeschonken. De Pape kjijd nich sea schaftich doano oba hee wia stell bat see Tus wieren.

Orestil: "Jleefst du nu uk aun disen Jesus?"

TiFam: "Jo, Papa, ekj sie nu Gott sien Kjint. Bitte, doo doch Jesus uk in dien Hoat oppnämen. In de Bibel steit, wan maun daut deit, dan es maun Gott sien Kjint."

Wieda kun TiFam nich räden. De Papa naum de Bibel ut äare Haunt un deed dee in dusent Bieta verieten, dee im Wint wajchfliejen deeden.

Un dan?

Daut näachste Spell toom horchen woat die veroden woo daut wiedajeit.


Persoonen: Eena waut vetalen deit, Nurs (von de Missionsstizion), TiFam, Orestil

Copyright: CEF Germany

www.WoL-Children.net

Page last modified on April 28, 2020, at 09:18 AM | powered by PmWiki (pmwiki-2.2.140)