STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 046 (How to become a child of God 5)

Previous Piece -- Next Piece

DRAMAS -- perform them for other children!
Plays for children to perform

46. Nayajj Diosan mä wawapätwa 5


Haití ucan chijijja wali ajjsarcayapinïtaynawa. Jacha jallump thayamp ucjjarujja jach’a kalanacawa kollutjja koruminitayna mankharu ucatsti mä marca cauqhantï TiFam jupajj jacänjja uc tapantatayna. Ucampisa Diosajj milagrpin jacañap khespiyatayna. Misionero hospitalanjja ratuquiwa waliptatayna ucat janc’aquiw c’umaräjjana. Enfermerajja juparojj wal munasïna uqhamaraqui c’uchisïnwa walirtatapata.

Enfermera: “Niya walëjjtawa, TiFam. ¿Janit munasma leyin kellkañ yatekaña?”

TiFam: “Jisa, wal munirista, ucampis librorojj ajjsartwa.”

Enfermera: “Janiw cunats Bibliarojj ajjsarañamaquiti. Ucajj siwa Diosajj wawanacarojj munasiwa.”

Ucürutjja TiFam jupajj sapüruw misión escuelaru saräna. Waljanacwa yatekäna ucampisa cristiän yatichawinjja jinchupjj llupt’asirïnwa, ucampisa mä cutinacajja mä juq’it istänwa. Janiw amuycänti cunatsa maestrojj Diosan wawapäñatjj parlascäna. TiFam apjjarutaynawa medallapa cuncapan warkt’atäscana ucjja. Mä chicajj jupat larusitaynawa. TiFam sustjasïnwa ucat jalsuwayatayna cursopata jacht’asisa.

Enfermera: “TiFam, ¿cunats jachta?”

TiFam: “Janiw amuycti. ¿Cunjamatsa Diosan wawapäjjerista?”

Enfermera: “Biblian kellkatawa, qhititejj Diosar creyqui uqhamarac Tatit Jesusaru catokqui jacäwiparojja Diosan wawapaw tucjje.”

TiFam: “Uc luriristjjä tatajjajja jawkjjetaspawa. Ajjsarañaw utjitu.”

Enfermera: “Diosar mayiñaniwa tatamajja Diosan Yokaparu creyjjañapataquiraqui.”

TiFam chämt’asiwa uctasti oración luri.

TiFam: “Tatit Jesús, jumar creytwa. Juchanacajj perdonita jutamay jacäwijjaru.”

Enfermera: “Jichhajj Diosan wawapäjjtawa. Jesusasti jumamp chict’atapininiwa.”

TiFam: “¡Diosan mä wawapätwa!”

Mä kawkha tiempotjja tatapajja jutatanawa utapar irpasjjañataqui. Sarjjañapataquijja mä Biblia regalapjjatayna. Tatapasti mayj uñtatayna ucampis amuquïscänwa utar puriñcama.

Orestil: “¿Jichhajj jumajj uca Jesusarojj creyiractati?”

TiFam: “Jïs papito, nayajj Diosan mä wawapätwa. Jacäwimarojj Jesusar mantayjjaraquimay. Bibliaj cunapachatejj maynejj Jesusar catokjjejja ucjaw Diosan wawapäjjejj sïwa.”

Janiw juc’amp TiFam jupajj sisjjänti. Tatapajj Biblia aparatayna ucatsti warankanacaruwa ch’iyjäna, ucatsti thayaw phuthumiyjje.

¿Ucjjarustï?

Mayanwa cuentjjäma cunjamasa.


Uñstirinaca: Parliri, enfermera, TiFam, Orestil

© Copyright: CEF Germany

www.WoL-Children.net

Page last modified on February 27, 2019, at 07:47 AM | powered by PmWiki (pmwiki-2.2.109)