STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 035 (Rendezvous in Jerusalem)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

35. Tooptrafen en Jerusalem


Von aulawäajend kaumen de Menschen. Väle wieren sogoa vom Utlaunt jekomen. Doa kaumen sea väl Menschen toop, om in Jerusalem daut Pinjstfast to fieren. Tusende jinjen derch de Gaus. Jesus siene Jinja hauden sich aun disem Dach in eenem Hus jetrofen, om to bäden. Oppeenmol hieden see een staokjet ruschen. Soo aus een stoakja Storm. De Menschen doa buten worden daut uk en. Waut mucht daut bloos senen? Un dann passieed noch waut, opp däm Kopp von de Jinja kaum oppeenmol noch waut daut soo utseenen deed, aus Fiaflaumen. Waut sull dit Wunda bedieden?

Dit wundaboare, waut see nu beläweden wia een Jeschenkj von Jesus. Hee haud siene Jinja dän Heiljen Jeist jejäft. Hee haud siene Frind nich vejäten. Derch dän Heiljen Jeist es hee selfst ema bie iend. Hee es een Treesta, Beroda un Bejleita. Derch am sent see gaunz faust met äarem Harn im Himmel vebunjen.

Ver däm Hus bleewen de Menschen bedutzt stonen.

Mana: "Waut haft dit to bedieden?"

Äwajlekjlich vetalden de Jinja an von Jesus. Stal die väa, sigoa de Menschen, dee vom Utlaunt jekomen wieren, kunen de Jinja aules vestonen. Een jiedra kunn de Frind vom Harn Jesus in siene iejne Sproak räden hieren. See deeden in Sproaken räden, waut see nich mol jelieet hauden. Jesus haud dit Wunda derch dän Heiljen Jeist tostaund jebrocht.

Eenschi deeden spotten:

Spata: "Ha, jie sent bestemt besopen un daut nu aul tiedich Zemorjens."

Oba dan naum Petrus daut Wuat.

Petrus: "Nä, wie sent nich besopen. Gott haft Vendoag enjehoolen waut hee ons vesproaken hauft, un ons däm Heiljen Jeist jeschonken."

Mootich deed hee an von Jesus wiedavetalen, dee jestorwen un oppjestonen wia un nu im Himmel läft.

Maun: "Es dit de Petrus, dee noch ver kortem vesechren deed, daut hee Jesus nich kjand?"

Fru: "Daut es dee. Hee es äwahaupt kjeen Angsthos mea. Dee haft sich gaunz in koa veändat."

Derch dän Heiljen Jeist haft Jesus eenen mootkjen Bekjana ut Petrus jemoakt. Waut hee sajcht, jinj de Menschen kjlich im Hoat nen.

Maun: "Waut sell wie doonen?"

Fru: "Wie haben soo väl vedreidet jedonen."

Petrus: "Jleeft aun däm Harn Jesus, dann deit Gott junt vezeien, un jie kjrieen dän Heiljen Jeist."

3000 Menschen deeden waut Petrus säd. See deeden Jesus im Jebäd aunroopen un worden jerat.

Aus daut Pinjstfast vebie wia, hauden de Jinja väl niee Frind.


Persoonen: Eena waut vetalen deit, Spata, Petrus, Maun, Fru

Copyright: CEF Germany

www.WoL-Children.net

Page last modified on August 08, 2023, at 07:41 AM | powered by PmWiki (pmwiki-2.3.3)