Malagasy, Dramas: Piece 106 – Tapitra ny laharahana 6

This page in HTML4 - Print - Bottom

Home -- Malagasy -- Perform a PLAY -- 106 (End of the line 6)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

106. Tapitra ny laharahana 6

Manomeza làlana-làlana tokana-fiafarana mahafaty-tsy misy fiantsonan'ny fiara-manomeza làlana-MIJANONA!

Raha tsy misy famantarana ny fifamoivoizana dia hikorontana ny tanànantsika. Raha tsy misy ny mari-pamantarana dia lasa tambajotran-dàlana sarotra arahina ny firenentsika.

Nisy vahoaka marobe nirenireny tany an'efitra. Tsy nisy arabe na làlana. Fa nisy toy ny takelaka mpanoro lalana niafina tao anaty andry rahona.

Andriamanitra no teo anoloany. Nentiny nivoaka avy tao amin'ny fanandevozana tany Egypta ho any amin'ny tany nampanantenaina izy ireo.

Iza no tahaka an'Andriamanitra izay mitondra tsara?

Rehefa nijanona ny andri-rahona, dia afaka niala sasatra ny olona. Rehefa nifindra indray izy, dia tsy maintsy nifindra ny olona rehetra.

Amin'ny alina, dia nisy andry afo nanazava ny olona izay tsara kokoa noho izay mety jiro manjopika!

Iza no tahaka an'Andriamanitra izay mitondra tsara?

Isiraelita: "Tsy nihetsika intsony ny rahona, afaka manangana ny laintsika eto isika."

Vehivavy Israelita: "Mivantana eo amin'ny Ranomasina Mena. Tsara izany."

Ankizy: "Afaka milomano ve isika?"

Isiraelita: "Izaho… tsy mahita mazava aho! Mihodiana ianareo!"

Vehivavy Israelita: "Andray, tsy mampino izao! Tonga izy ireo!"

Isiraelita: "Manaraka antsika ny egyptiana mba hanafika antsika. Ho faty isika!"

Vehivavy Israelita: "Ry Mosesy, nahoana ianao no nitondra anay aty amin'ity efitra mahatahotra ity?"

Mosesy: "Aza matahotra! Iza no Andriamanitra tahaka ny Andriamanintsika? Hiady ho antsika Izy."

Tampoka teo dia nisy rahona lehibe niseho teo anelanelan'ny Israelita sy ny Ejiptianina.

Teo amin'ny lafiny nisy ny fahavalo dia maizina, fa teo amin'ny lafiny nisy ny Isiraelita kosa dia nisy mazava.

Iza no tahaka an'Andriamanitra izay afaka manampy amin'ny fomba toy izany? Tsy misy zavatra tsy hainy atao!

Nanana tehina avy amin'Andriamanitra i Mosesy, ary nihazona izany teo ambonin'ny Ranomasina Mena izy.

(Feno rano mirohondrohona)

Isiraelita: "Fahagagana! Jereo anie ity! Indro, misy làlana eo afovoan'ny ranomasina!"

Vehivavy Israelita: "Misy rindrin-drano eo amin'ny ankavia sy eo amin'ny ankavanana. Nataon'Andriamanitra ho antsika izany."

Iza no tahaka an'Andriamanitra izay afaka manao fahagagana toy izany?

Marina tanteraka izany: nisy làlana maina teo afovoan'ny ranomasina. Nandeha tamin'io làlana io ny Israelita rehetra ka tonga teny am-pita.

Ejiptiana voalohany: "Araho izy ireo! Ny làlana eo afovoan'ny ranomasina dia ho antsika koa."

Ejiptiana faha-2: "Eh, voasakana ny kodiaran'ny kalesy. Voaazona isika. Miady amintsika Andriamanitra."

Ireo no teny farany nataon'ny Ejiptianina. Nianjera tamin'izy ireo ny rindrin-drano avy amin'ny andaniny roa. Nandrakotra ny tafika ejiptianina manontolo ny safo-drano.

Isiraelita: "Avotra isika! Noresan'Andriamanitra indray mandeha tsy miverina ny fahavalontsika!"

Nihira fiderana an'Andriamanitra tamin'ny hafaliana be izy ireo.

Mpandray anjara: Mpitantara, Isiraelita, vehivavy Israelita, ankizi, Mosesy, Ejiptiana roa

This page in HTML4 - Print - Top