STORIES for CHILDREN by Sister Farida

(www.wol-children.net)

Search in "Kyrgyz":

Home -- Kyrgyz -- Perform a PLAY -- 092 (A man-eating tiger 4)

This page in: -- Arabic? -- Aymara -- Azeri -- Bengali? -- Bulgarian -- Cebuano -- Chinese -- English -- Farsi? -- French -- German -- Guarani -- Hebrew? -- Hindi -- Indonesian -- Italian -- Korean -- KYRGYZ -- Malayalam? -- Portuguese -- Quechua? -- Romanian? -- Russian -- Serbian? -- Spanish-AM -- Spanish-ES -- Tamil -- Turkish -- Urdu? -- Uzbek

Previous Piece -- Next Piece

Театрлаштырылган пьесалар -- аларды башка балдарга аткарып берсеңер болот!
Театрлаштырылган сценкалар – балдар үчүн коюлат

92. Киши жегич жолборс 4


Сахиб Грабб: «Рингу, сага эмне болду? Эмнеге кабатырсың?»

Рингу: «Сахиб, биз жолборско аңчылыкка баратабыз. Айылыбызда киши жегич жолборс жүрөт».

Сахиб Грабб: «Сен да барасыңбы аңчылыкка?»

Рингу: «Ооба! Жолборс же кара күчтөр мага тийсе эмне болот?»

Сахиб Грабб: «Сени сактай ала турган Бирөө бар. Бардык бийлик жана күчтөр Анын колунда. Ал үчүн бардыгы мүмкүн. Ал бардык кара күчтөрдөн күчтүү. Ал – Ыйса! Ал бизди кара күчтөрдүн бийлигинен бошотууга келгени Библияда жазылган».

Рингу: «Ыйса чындап эле алардан күчтүүбү?»

Сахиб Грабб: «Ооба, алда канча күчтүү!»

Рингу: «Мен Ага сендей болуп ишенгим келет».

Рингу ага Ыйса керек экенин даана түшүндү. Ал сыйынып, Ыйсаны жүрөгүнө чакырды. Көрүнбөгөн Кудайга кайрылды, Ыйса өзүн уккандыгына бекем ишенди.

Сахиб Грабб: «Рингу, Ыйсага жардам сурап, дайыма кайрылсаң болот. Атургай жолборско аңчылык кылган учурда да».

Бир нече сааттан кийин аңчылыкка чыга турган убакыт келди. Бара тургандар мылтыктарын алышты, Рингу болсо фонарик алды. Алар көлмөнүн жанындагы карт даракка акырын чыгышты да, саргара күтө башташты. Рингу ичинен сыйынып атты.

Рингу: «Ыйса Теңир, Сенден суранам, адамдарды өлтүрбөшү үчүн, жолборсту өлтүргөнгө жардам бер. Карасаң, тетиги жакта бир нерсе кыймылдап жатат».

Демиккен Рингу атасынын колун кыса кармады. Жолборс өгүздүн өлүгүнө жакын келди да, жутуна баса калды. Капыстан өйдө жакка карады, ошондон кийин баары көз ирмемде болуп кетти. (мылтыктын атылган үнү)

Атасы: «Кокуй! Мен жаза аттым!»

Киши: «Абайла! Бул жакка келатат! Бизди көздөй секирет!»

Атасы: «Рингу, фонариктин жарыгын көзүнө тушта! Батыраак көзүн кама!»

Рингу: «Жардамга! Фонариктин жарыгы начар. Ыйса Теңир, эмне кылам?»

Рингу фонарикти болгон күчү менен жерге ыргытты. Жолборс жарыкты көздөй атырылды. Ошол учурда мылтык атылды.

Жолборс дагы бир жолу секирди да, жерге кулап түшүп, узун өскөн чөптүн үстүндө тыбырчылап жатты. Ал жарадар болуптур. Рингунун атасы мылтыкты октоп, дагы бир жолу атты (мылтыктын атылганынын үнү). Коркунучтуу жырткычты өлтүрө атты.

Баары жеңилдей үшкүрүштү, Рингу болсо ичинен сыйынып атты.

Рингу: «Кудайым, Сага ыраазымын, Сен бизге жардам бердиң!»

Кудай эч кимди таштабайт. Балдар, Ал силерге кандай окуяларда жардам берди эле?

Анын сыйынууңарга кандай жооп бергендигин баяндап, мага кат жазгыла.


Катышуучулар: Айтып берүүчү, Рингу, Сахиб Грабб, атасы, киши

Автордук укук: CEF Germany

www.WoL-Children.net

Page last modified on January 22, 2019, at 02:42 PM | powered by PmWiki (pmwiki-2.2.109)