STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 163 (Secret in the Wilden woods 1)

Previous Piece -- Next Piece

DRAMAS -- perform them for other children!
Plays for children to perform

163. Ch’umi jamasa 1


Rut jupajja Margarita tïapampejja culiratänwa. Rutijja jan wal luratayna ucatjja jan mankataw iquiñarojj qhithatäna.

Felipe, jilapajja, amuquiw cuartoparojj mantatayna.

Felipe: “Rut, acajj jumataquiw. Jan qhitis uñjcataw mediasajjäru apantanta.”

Rutijj wali manka awtjatänwa ucat jisc’a t’ant’jja mankantänwa.

Rut (lacas phokhantata): “Felipe, sum sarnakañ munta. ¿Cunats jan phokctjja?”

Felipe: “Janiw yatcti. Jan uqham culirasiñataqui yant’añamawa. Uqhamat janiw phiru ayunac arsjjätati. Tía Margaritajj sumätapat acar jawst’asquistu jacañataqui awquinacasajj misionerjam Indian trabajasqui ucacama.”

Rutijj jayïrt’asïna t’ant’ mankjjat-t’atayna. Acatjamar tia Margaritan sarnakatap ist’apjatayna. Felipejj cuartoparojj walpin t’ijutayna ucatjj isinpachaw iquiñar mantatayna.

Tía Margarita: “Kharürcam, Felipe. Kharürcam, Rut.”

Felipe: “Kharürcam, tía Margarita.”

Rutijj iquirjamaw tucutayna.

Khepürujja Felipejj vacacionataquiw cunanacs luraspa uc amuyascäna.

Felipe: “Ch’umin jan uñt’atanac catuñäni. Inas jamachi chiwchinacajj jichhuru mistchini. Mä uca mankhanac estudiañ utachasiñäni.”

Rutejj wali c’uchïnwa. Panpachaw ch’umi mankharu c’ullc’u thaqhnäm jalapjjäna.

Rutejj Tanner tatan ovejj tamap uñtañataquejj sayt’atanawa. Mä ovejjitajj jac’achasisajj amparap jallk’art’atayna. Janiw taycanïcänti ucat mä cutinacajj tamat jithiktäna.

Felipe: “Rut, janc’ac’ janiw tiemponïctanti.”

Utataquejj mä suma chekpin jicjjatapjjatayna. Rutejj lawanac apthapitayna ucampejj Felipejj mä imäntt’asiña luratayna. Sapüruw sarjjapjjän imant’asiñaparu. Ma urujj Rutirojj tiapajj isinac wañachtpan sataynawa. Ucjj Rutejj janiw muncänti ch’umi mankhar sarañ munäna. Uqham culiratajj isinata pamparuw jalaktayatayna.

Tía Margarita: “¿Janit sum apnakcasma? ¡Jan wal luratamat perdón mayisim!”

Rut: “Janiw lurquirïst-ti. Tia Margarita ancha jan walïtawa.”

Tía Margarita: “Rut, wal lupt’ acatjja. Janiw uqhamäcacsnati. Mä internadoruw apantäma.”

Rut: “Jaltjjäwa.” (puncujj ch’amamp liwcatasi)

Rutejj t’ijusaw mistuwayi. Jäy sari, wali jaya. ¿Cawquiru? Jupas yatcänti. Tía Margaritan arunacapaw arctäna:

(c’achat arsuta sonido ecompi) ‘Mä internadoruw apantäma’. Jaltjjäwa.

Jutirina aca q’ithampiw sarascaquiñäni.


Uñstirinaca: Parliri, Felipe, Rut, tía Margarita

© Copyright: CEF Germany

www.WoL-Children.net

Page last modified on October 08, 2018, at 02:42 PM | powered by PmWiki (pmwiki-2.2.109)