STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 119 (Dani fell 3)

Previous Piece -- Next Piece

JISCKÁ UÑANCHAWINACA – ¡yakha wawanacataqui uñanchtáyam!
Jiscká uñanchawinaca uñanchawinaca wawanacataqui

119. Danijj jalantiwa 3


Awichajj cocin reloj uñch’uquiscänwa. Danijj utancjjañapänwa. Amuquiw oración luratayna ucacamajj Anajj tatapampi kollurüw maqhatapajjatayna thakhañataqui.

Papá: “¿Dani, ist’apjjestati?”

Ana: “Papi, Lucasajj acataquejj cun lurapinpachawa. JIsct’aniñatac jaläwa.”

Anajj vecinanutaparuw jalatayna, ucatjj galponaruw saratayna. Monte phisjjamaw escaler jajcatatayna ucatjja jachasquir Lucasaruw catjatayna.

Ana: “¿Danijj cawquinquisa? ¿Cuns jupamp lurta?”

Lucas: “Janiw yatcti… cawquincahejja. Janiw juchajjäquiti.”

Ana: “¿Cunjam jan juchamäquiti? Anchhitpach sita cawqhanquisa, jan ucajj policiaruw jawsä.”

Lucas: “Danijj… jiwatawa.”

Anajj papeljamaw jankor tucu. Ucatjja barrancor Lucas t’ijuriw arcatayna, cawqharutï Danijj jalant’catayna ucjacama. Tatapajj mä lazomp chint’ataw mantatayna. Mä patjjanwa Danirojj catutayna cayunacapajj wali k’ewjjanucuta.

Papá: “¡Danijj jacasquiwa! ¡¡¡Diosan munañapatjja janiw umamp askcascataynati!!!”

Anajj tatapar uñjataynawa cunjams Danirojj wali c’achat waysutayna uqhamarac munat phisitupampi.

Diosajj jacañap imataynawa. Ucampisa walisum kollatachïnsa muletampiquiw sarnakañ puedïna.

Ana: “¡Lucas, juman juchamawa!”

¿Anajj razonanïnti? Lucasarojj uñisïnwa ucatsti juc’amp juc’ampïnwa chuymapäna. Chuymapanjja janiw cuntejj tatapajj arumanacajj Bibliat leyïñ ucataquejj utjcänti. Sapa maynir uñisiñanacsa Jesusajj munatapjja janiw yäkcänti ucatjja jan wals uqhamarac jan walinacs uñisiñanacsa perdonaraquiwa.

¿Perdonaña? Janiwa. Jupajj vengasiñ munäna.

Mä urujj vecinapan utapanjja mä jiwa caballit lawat qhituta gradanapan jicjjatatayna. Mushparataw cunca ch’awarap uqhamarac casconacap uñjasina. ¡Cunja sumaquïcäna!

Ana: “Janiw uqham jiwitanac lurirïtap amuycäyatti. Ucampejj escuelan consursjj nayra premio ganapininiw. Janiw uqhamañapjj dejquiristi.”

(ist’asiwa: lawa jalaktiri, uqhamarac lawanac tacsuri)

Amparapampiw Anajj ucja suma lurat pampar liwtawayi ucat tacsuwayi.

¿Uccha uñisiñajj mä chuyman utjaquispati?

Anajj jan wal luratapjja yatisïnwa, ucampis amuyänwa:

Lucasajj ucat sipans juc’ampiw. Am-muquiw utat sarjjatayna.

Jutirinjja cunjams aca historiajj sarasqui uc cuentapjjämawa.


Uñstirinaca: Parliri, padre, Ana, Lucas

© Copyright: CEF Germany

www.WoL-Children.net

Page last modified on August 07, 2023, at 09:11 AM | powered by PmWiki (pmwiki-2.3.3)