Home -- Aymara -- Perform a PLAY -- 050 (Attention danger of an avalanche)
50. Khunu jithita
Alpes suizos sata chekanjja mä chicojj ovejanac awatiscäna. Pankaranac wal munäna uqhamaraqui khununacsa. Mä urujja mä viajerojj mä c’ullc’u thaqhi maqhatasincäna.
Viajero: “¿Cuna sutinïtasa?”
Pedro: “Nayajj Pedrötwa.”
Viajero: “¿Sapaquitati aca alayana?”
Pedro: “Jisa, vacacionancasctwa ucat tatajjan ovejanacap awatiscta.”
Viajero: “Uqhamajj awatirïtaya. ¿Uñt’tati suma awatiriru?”
Pedro: “Janiwa, ¿qhitiraquisti?”
Viajero: “Tatit Jesusawa. Bibliajj siwa jakenacajja jan ist’asir ovejar uñt’at sastänwa, quithinacarutï jupanac thaqhipann sarañ munapjje. Suma awatirijja thakasquistuwa. Jacawïs suma thaquin irpañ munasqui, imañ munistu uqhamarac jupamp chica alajjpachar irpjjaña cunapachatejj jacawisajj tucusjjani ucjajja.”
Pedro: “¿Nayar apjjaraquitaniti alajjpacharu jiwjjä ucjajja?”
Viajero: “Jisa. Mayiñamaquiwa Jupajj juman awatirïñama.”
Pedro: “Anchhit pachaw uc lurañ munirista.”
Pedrojj oración luriwa, Jesusampejj cuntï sañ puedcänjja uc parlänwa. Take chuymampiwa satayna Jesusancañ munt sasina, jupan awatirïñapa, jacañap imarïñapa. Janïrar sarcasinjja viajerojj Pedror sataynawa:
Viajero: “Jichhajja suma awatirïncjjtawa. Sasmawa: Tatituwa nayan awatirijjäjja. Uñjam, aca chek Biblianjja ampar luc’ananacampiwa leytäsma.”
Pedrojj ch’eka ampar luc’ananacap sapa arutaqui catt’asisinjja uca versïculo repit-t’ana. Pusïr luc’anarojja wal lïmt’äna mayninacat sipansa, sasina:
Pedro: “Tatituw nayan awatirijjäjja.”
Wali c’uchiwa tatar mamar cuentt’atayna cuntejj pascatayna uca.
Ucampisa mä urujja vacacionapajja tucusjjataynawa ucatsti Pedrojj escuelar cutjjataynawa.
Juiphï pachaw purinjjana. Alpes Suizos ucanstï wali chijiniwa. Khunu jithinacawa kollunacana utjaspa.
Pedrojj ch’amanwa jacha khununjja sarnakascäna. Mayac kejjo kejj-jjam ist’asïna. Pedrojj jayar jaltañ munäna, ucampisa cat-jjataynawa. Khunu jithijja tapjjatataynawa jathi khunumpi.
Ch’amactjjän ucjajja, awquip taycapajja llaquisjjapjjataynawa, ucat thakhapjjänwa. Walja oranacatsti catjj-jjäpjjataynawa -jiwata. Cupi amparapajja pusï luc’ana ch’eka amparaparuwa wal catthapiscäna. Jiwcasinja Pedrojj suma awatiripat amjjäsiscataynawa.
Awquinacapajja wali llaquitäpjjanwa wawap chhakayasisinjja. Ucampis chuymachasipjjaraquïnwa Pedrompejj wastat cielon jicjjatasiñ yatisinjja. Cunapachatejja, jupanacas uqhamaraqui sarjjapjjan ucqhajja suma awatirimp wiñaya chict’atañataqui.
¿Jumajj saraquismati Tatit Jesusaw juman suma awatirïmajja?
Uñstirinaca: Parliri, viajero (excursionista), Pedro
© Copyright: CEF Germany