Platt - Low German, Dramas: Piece 094 – Schlajchtet Jewessen 6

Home -- Platt (Low German) -- Perform a PLAY -- 094 (Bad conscience 6)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

94. Schlajchtet Jewessen 6

Ringu haud daut Harmonium vom Missjinoa jestolen. Nu ploagd am sien Jewessen. Stälen moakt nich jlekjlich. Best du daut uk aul enjeworden? Krajt endoont, aus du im Stua ooda ut Mame äa Jeltbiedel jestolen hast. Daut jeft bloos eenen Wajch, om sowaut in Ordnung to brinjen.

Ringu haud disen Wajch jewält. Hee fruach Jesus om vejäwung un wull daut jestolne wada trijbrinjen.

Hee deed de Ossen ver däm Woagen aunspaunen, un läd daut Harmonium doa nopp.

Battu: "Ringu, waut deist du?"

Ringu: "Ekj woa daut Harmonium trij brinjen."

Battu: "Best du verrekjt? Wuarom hast du daut jestolen, wan du daut wada trijbrinjst? Ekj kaun die nich mea vestonen von don aus du aun Jesus jleefst."

Ringu: "Krup nopp! Ekj woa die unjawäajes aules vetalen."

Ringu däm pord daut aul no de Staut to komen.

Woo goot, daut hee fuatz Fru Merry finjen kun. See deed in Indien Bibel äwasaten.

Fru Merry: "Halo, jie Beid. Scheen, daut jie komen. Ekj kaun junt goot brucken. Fa miene Äwasatung fälen mie poa Kurku-Wieeda. Kjenn jie mie halpen?"

Ringu: "Jo, oba iescht mot ekj no Sahib Grubb."

Fru Merry: "Hee es nich hia, hee wia sea krank. Een Flugzeuch haft am nohus no Amerika jebrocht. De Doktasch kunen am nich mea halpen. Sahib Grubb es nu im Himmel."

Ringu: "Sahib Grubb es im Himmel? Biem Harn Jesus? Jewess es hee doa jlekjlich. Oba nu es hee nich mea bie ons."

Fru Merry: "Nä, bie ons es hee nich mea."

Dise Norecht muak Ringu sea trurich soo daut hee hielen musst.

Fru Merry: "Kjikj, ekj hab een Bilt von am. West du dit Foto haben?"

Ringu: "Välmol Dankscheen. Daut es mien Sahib, dee mie vom Harn Jesus vetalt haft."

Fru Merry: "Ringu, Gott haft eenen Plon fa dien Läwen. Ekj jleew hee well, daut du von am wiedavetalen saust."

Ringu: "Oba ekj, ekj hab jestolen, daut Harmonium. Opp däm Woagen es daut."

Nu wia dis schwoare Sauts endlich jesajcht. Un Ringu wia daut nu väl leichta.

Fru Merry deed am uk vezeien. Am wia daut nu soo leicht, un hee hupst opp däm Woagen un gauf daut Jestolne trij.

Ringu: "Auf wadaseenen, Fru Merry. Wan ekj wadakom, dan sajch ekj die väl niee Kurku-Wieeda. Oba nu mott wie Holt holen."

Un unjawäajes bäd hee:

Ringu: "Välen dank, Har Jesus, daut du mie vezeit hast. Bitte saj däm Sahib, daut ekj daut Harmonium aufjejäft hab. Ekj sie sea jlekjlich un well die deenen."

Battu: "Ringu, vetalst du mie uk von Jesus?"

Ringu: "Jo, aum leefsten jieden Dach."

Persoonen: Eena waut vetalen deit, Ringu, Battu, Fru Merry

STORIES for CHILDREN by Sister Farida

94. Schlajchtet Jewessen 6