Platt - Low German, Dramas: Piece 093 – Daut Kurku-Vespräakjen 5

Home -- Platt (Low German) -- Perform a PLAY -- 093 (The Kurkupromise 5)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

93. Daut Kurku-Vespräakjen 5

Äwajlekjlich rand Ringu trij in sien Darp.

Ringu: "De Tiga es doot! De Tiga es doot! Wie haben däm dootjeschoten."

Battu wia stolt opp sienem grooten Brooda.

Battu: "Du best groosoatikj. Hatst du kjeene Angst bie de Tigajacht?"

Ringu: "Doch, ziemlich. Oba ekj hab jebät un dan haft mien Hoat nich mea soo stoakj jekloppat."

(Irjendswaut burrt doa)

Ringu: "Daut es bestemt Sahib Grubb, dee witta Utlända, dee mie von Jesus vetalt haft."

Battu: "Los, wie ranen am entjäajen."

De beid indischi Junges veschwunjen rom de Akj un dan sagen see waut passiet wia. De Jeep vom Missjinoa stuak deep im Blott. Ringu musst de Ossen väaspaunen, doamet see däm Woagen ut däm Drakj trakjen kunen.

Sahib Grubb: "Daut hand wie jeschauft. Ringu välmol Dankscheen fa diene Help. Ekj mott mie vendoag von die veaufscheeden. Wie woaren ons lang nich mea seenen. Vejat daut nie, de Har Jesus es bie die. Bliew am tru, un doo ema waut am jefällt. Sind moakt die nich jlekjlich. Hast du noch dän Breef von Gott?"

Ringu: "Jo, hia in mienem Koppduack hab ekj däm oppbewoat."

Sahib Grubb: "Doo Gott sien Wuat in dienem Hoaten behoolen. Du kaunst die doaropp veloten. Ach, noch waut, mien Harmonium es wajch."

Ringu wort root bat äwa beid Uaren. Hee wia ji de Deef. Im oolen Staul haud hee daut Instroment vestoaken. Aus Sahib daut weet?

Sahib Grubb: "Ekj hab kjeene Tiet, daut to siekjen. Kaunst du daut fa mie doonen? Wan du daut jefunjen hast, dan brinj daut bitte no Fru Merry in de Staut. See weet ema, woo ekj prädjen doo, see woat mie daut dan brinjen."

Ringu deed langsam siene Oarms äwa kjriez hoolen un trok sich aum Oalaupkje. Soo jeft maun in Indien een Vespräakjen. Een rechtkjet Kurku-Vepräakjen.

Bedrekjt jeit hee nohus.

Ringu: "Wuarm hab ekj nich jesajcht, daut ekj de Deef sie. Ekj sie een Angsthos. Har Jesus, hieescht du mie nu uk noch? Ekj hab jestolen. Daut deit mie leet. Bitte vezei mie miene Sinden un halp mie daut rechtkje to doonen."

Waut es daut rechtkji in soo eenem Faul? Ringu wisst daut fuatz. Hee musst trijbrinjen waut hee jestolen haud. Oba daut wia schwoa. Waut wudden dee aundre von am denkjen? Dan hieed hee eene stelle Stem in sienem Hoaten. Dee säd to am: Brinj daut Harmonium trij, dan es aules in ordnung.

Kjannst du dise Stem uk? Weetst du, woo maun stälen wada gootmoaken kaun?

De Auntwuat jeft die daut näachste Spell toom horchen.

Persoonen: Eena waut vetalen deit, Ringu, Battu, Sahib Grubb

STORIES for CHILDREN by Sister Farida

93. Daut Kurku-Vespräakjen 5