STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 144 (Totally in love 5)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

144. Gaunz veleeft 5


Trurich deed Hudson Taylor de Däa toschluten. Hee must siene Frind opp de Insel Tsung Ming veloten, wiels aufjenstkji Menschen am biem Beaumten hauden schlajcht jemoakt. Hee kun daut nich vestonen.

Gott leet am nich bitsied. Hee kun sogoa ut waut orajchtet waut goodet moaken. In Ningpo, in de Brijgaus, wia boolt siene niee Adras. Met Freiden vetald hee de Chinesen doa von Jesus, däm Rada.

Gott haud daut goot jemoakt. Oba daut Baste kaum noch! Bäta jesajcht de Baste. Dichtbie wia eene Missionsschool. Doa deed eene Fru ut Enjlaunt unjarechten. Hudson veleewd sich in dee frooe Liererin un see sich uk in am. Hudson wull sich met Maria befrieen, oba verhäa musst hee ar waut tostonen.

H. T.: "Maria, ekj mot die dit sajen. Ekj sie kjeen rikja Maun. Wan ekj waut bruk, dan froag ekj Jesus doano un vetru doaropp, daut hee fa mie sorcht. Ekj hab nich väl Jelt, west du doawäajens doch noch miene Fru woaren?"

Maria: "Jo! Un dan woa wie toop vetruen. Wie brucken nich väl. Daut baste es doch, daut wie Jesus haben."

Väl Frind kaumen to Kjast.

Gott jeft jiedrem, dee am leeft, daut baste. Daut haft hee vesproaken, un daut helt hee uk en. Un doawäajens schonken Hudson un Maria am sien Läwen.

Hudson deed Kranke behaundlen un prädjen. Maria deed Kjinjastunden aufhoolen, un vetald väl Junjes un Mäadches vom Harn Jesus. Un de Oamen gauwen see too äten. Hudson un Maria wieren niemols one Oabeit. See freiden sich, wan Chinesen aum Harn Jesus jleewden.

Jieda Owent kjlinjad de Glock un deed to Owentkjoakj enloden.

De Jettadeena Ni hieed daut frooe sinjen, un kaum uk. Toom ieschten mol in sienem Läwen hieed hee, daut Jesus dee eenscha Wajch no Gott es.

Ni: "Har Taylor, ekj hab lanj no de Woarheit jesocht. Jesus es de Woarheit. Ekj jleew aun am.Von wanea kjan jie in Enjlaunt de Woarheit?"

H. T.: "Aul hundade Joaren."

Ni: "Waut??? Soo lanj aul??? Wuarom sent jie nich ea jekomen un haben ons doavon vetalt?"

Dise Froag jinj derch un derch bie Hudson. Hee docht aun de Millionen Chinesen, dee de Woarheit ema noch nich kjanden un soo oabeid hee noch mea – bat hee krank wort.

Oba dan must hee onbedinjt no Enjlaunt om sich to verholen.

Kaun Gott uk von eene Krankheit daut baste moaken?

Daut woascht du im näachsten Spell toom horchen enwoaren. Doo daut nich vejäten.


Persoonen: Eena waut vetallen deit, Hudson Taylor, Maria, Ni

Copyright: CEF Germani

www.WoL-Children.net

Page last modified on August 08, 2023, at 08:04 AM | powered by PmWiki (pmwiki-2.3.3)